جوزجان ولایتی نینگ مرکزی و فیض‌آباد تومنیده ۹ میلیون افغانی‌لیک ۲ سوو ییتکیزیش پروژه نینگ عملی ایشی یکونله‌نیب بوگون فایدهلنیشگه تاپشیریلدی.
جوزجان ولایتی قیشلاق‌لرنی رواج‌لنتیریش و قیته قوریش ریاستی نینگ باشلیغی مولوی اسدالله حمزه نینگ ایتیشیچه، ایکیته سو ییتکیزیش پروژه نینگ عملی ایشی شبرغان شهری نینگ (تنکه حسن تابین) مکتبی و اوشبو ولایت فیض‌آباد تومنی نینگ (بیزگک) قیشلاقی ده یکونله‌نیب فایدهلنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
جوزجان ولایتی قیشلاق‌لرنی رواج‌لنتیریش و قیته قوریش ریاستی نینگ باشلیغی گه کوره، اوشبو پروژه‌لرده ایکیته سوو ذخیره‌سی، سو پمپی نصب ایتیلیشی و بیرحلقه قودوق و سوکانالی شامل اوشبو بو پروژه‌لردن ۶۶۰ عایله و ۲۴۸۰ قیز و اوغیل اوقووچی فایده‌لنه‌دیلر.
جناب حمزه نینگ کوپه‌یتیریشیچه، اوشبو پروژه‌لر یونیسف مؤسسه‌سی و محل یشاوچیلری نینگ یاردمی بیلن ۹ میلیون افغانی خره‌جت کوتارگن و ۶ آیده یکونله‌نیب فایدهلنیشگه تاپشیریلگن.
عین‌حالده، جوزجان ولایتی نینگ معارف ریاستی و منطقه مسئوللری بو ۲ پروژه نینگ عملی ایشی یکونلنیب فایدهلنیشگه تاپشیریلگنیدن خورسندلیک قیلیب ایتیشلریچه، بو کبی پروژه‌لر نینگ عملی ایشی اوشبو ولایت مرکزی و باشقه تومنلریده عملگه آشیریلیشی کیره‌ک.
بیزلرنینگ توییترده هم تعقیب قیلینگ!
اولر نینگ ایتیشلریچه، حاضرگی پیتده قیشلاق‌لر و مکتب‌لرگه ایچیملیک سوو یوقلیگی اوشبو ولایت یشاوچیلری نینگ جدی قیینچیلکلریدن حسابلنه‌دی و ایچیملیک سوو یوقلیگی تورلی کسلیلکلرگه سبب بوله‌دی.