بلخ ده قوش‌تیپه کانالی نینگ ایکینچی فازی قوریلیش ایشی بوگون باشلنگن. اسلام امیرلیگی مسئوللری، بوگون (چهارشنبه، ۱۹-میزان)، بلخ ده حیرتان بندری شهرچه‌سیده اوشبو کانال نینگ قوریلیش ایشی باشلنیش احتفالی‌ده ایتیشلریچه، قوش‌تیپه کانالی نینگ ایکینچی فازی قوریلیش ایشی یکونی بیلن، افغانستان ایکینچیلیک محصوللر نینگ ییتیشتیریش نقطه‌ی نظریدن خودکفالیککه ییتیشه‌دی.
ملی ترقیات ریاستی‌ده اوشبو پروژه نینگ تطبیق قیلیش مسئولیتی بویینلریده بولگن مسئوللر نینگ ایتیشلریچه، ۱۷۵ کیلومتر بولگن قوش‌تیپه کانالی نینگ ایکینچی بولیمی، بلخ نینگ دولت‌‌آباد تومنی‌دن باشلنیب، فاریاب نینگ اندخوی تومنی گه قدر دوام قیله‌دی. اولر نینگ کوپه‌یتیریشلریچه، بلخ ده قوش‌تیپه کانالی نینگ ایکینچی فازی قوریلیش ایشی، قریب بیش ییل‌ده یکونلنیب و اوشبو کانال نینگ یقین‌لریده‌گی قریب اوچ میلیون جریب ییر نینگ سووغاریلیشی ممکن.
بیزلرنینگ «ایکس» ترماغی ده هم تعقیب قیلینگ!
اوشبو ریاست‌ده‌گی مهندس فرید عظیمی نینگ ایتیشیچه، مذکور کانال نینگ ایکینچی فازیش قوریلیش خره‌جتی، سرپرست حکومت آرقه‌لی توللنیله‌دی. «قوش‌تیپه کانالی نینگ بیرینچی و ایکینچی فازی خره‌جتی، اسلام امیرلیگی حکومتی آرقه‌لی توللنیله‌دی. بیرینچی فاز ایشی یکونلنگن و ایکینچی فازی یسه بوگون رسمی شکلده باشلندی.»
شونده‌ی بیرحالده، اسلام امیرلیگی باش وزیرلیگی نینگ اقتصادی اورین باسری عبدالغنی برادر، قوش‌تیپه کانالی نینگ قوریلیش ایشی باشلنیش احتفالی‌ده ایتیشیچه، اوشبو مذکور کانال نینگ قوریش ایشی یکونلنیشی بیلن، افغانستان نینگ ایکینچیلیک بولیمی مکانیزه بولیب و مملکت ایکینچیلیک محصوللر ییتیشتیریش نقطه‌ی نظریدن خودکفالیککه ییتیشیشی ممکن. اسلام امیرلیگی باش وزیرلیگی نینگ اقتصادی اورین باسری نینگ ایتیشیچه: «افغانستان زراعتی بیر مملکت بولگنی بیلن، بیراق ایکینچیلیک نینگ مکانیزه‌بولیشی اوچون هیچ قنده‌ی سعی و حرکت بولمه‌گن و منطقه مملکت‌لر گه ییگولیک ماده‌لر نینگ وارد قیلیش بولیمی گه تینه‌دی. اسلام امیرلیگی مملکت نینگ ایکینچیلیک و سوولری نی مدیریت قیلیش اوچون جدی توجه‌سی قیلیش خصوصیده سعی و حرکت قیله‌دی.»
شونینگدیک مذکور احتفال‌ده ایکینچیلیک، سووغاریش و چاروه‌چیلیک وزیرلیگ سرپرستی عطاءالله عمری نینگ ایتیشیچه، قوش‌تیپه کانالی نینگ فایده‌لنیش گه تاپشیریلیشی بیلن، افغانستان منطقه‌ده ییگولیک ماده تولید قیله‌دیگن مرکز گه اوزگریشی ممکن. اونینگ کوپه‌یتیریشیچه: «اوشبو بویوک سوو کانالی، افغانستان نینگ ییگولیک ماده‌لر بولیمی‌ده خودکفالیککه ییتیشتیره‌دی و اونینگ یانیده، مملکت نینگ منطقه‌ده ییگولیک ماده تولید قیله‌دیگن مرکز گه اوزگرتیریشی ممکن.»
بولر گه علاوه، اسلام امیرلیگی باش وزیرلیگی نینگ اداری اورین‌باسری عبدالسلام حنفی، قوش‌تیپه کانالی نینگ ایکینچی بولیمی ایشی باشلنیش احتفالی‌ده ایتیشیچه، ۲۸۵ کیلومتر اوزون‌لیک و ۱۵۲ متر کینگلیک بیلن اوشبو کانال نینگ ایشی جریانی، بلخ نینگ کلدار تومنی‌دن باشلنیب و مذکور ولایت و جوزجان‌دن اوتیب بیلن، فاریاب گه ییتیشته‌دی. حنفی نینگ کوپه‌یتیریشیچه: «بیر قطار کیشی اوشبو کانال نینگ ایشی یکونلنمه‌سلیگی، مذکور طرح جریان تاپگن یولی‌ده مناسب بولمه‌گنی و سوو نینگ جریان تاپیب و تاپمه‌سلیگی خصوصیده کوپینچه خواطرلنگن ایدی، بیراق اوشبو طرح تکمیل بولماقده.»
بیزلرنینگ فیسبوک صحیفه‌میزگه باش اورینگ!
باشقه بیرتامان‌دن، تشقی ایشلر وزیرلیگی نینگ سیاسی معینی شیرمحمد عباس استانکزی، منطقه مملکت‌لر گه، آمو دریا سووی‌دن قوللنیش خصوصیده‌گی خواطرلری نی دیپلماتیک یوللریدن حل قیلیش گه تاکید قیلگن. اونینگ کوپه‌یتیریشیچه: «قوشنی مملکت‌لر خواطر اورنیده، کیلیب دیپلماتیک یولی آرقه‌لی صحبت قیلسینلر و خواطرلری نی بیان قیلسینلر. تیمی‌میز صحبت قیلیش گه تیار دیر.»
ایتیش کیره‌ک که، ۱۰۸ کیلومتر اوزون‌لیگی بولگن قوش‌تیپه کانالی نینگ بیرینچی فازی قوریلیش ایشی، ینگی‌لیکده یکونلنیب و بوگون فایده‌لنیش گه تاپشیریلگن.
