ایرکین مبارزه‌لر (MMA) سپورتچیلریدن بیرقطاری، بلخ ده «ZFC» تشکیلاتی ده اوشبو بولیم نینگ آلتینچی دور رقابت‌لریده ایتیشلریچه، سرپرست حکومت تامانیدن ویزه‌لری بیکار قیلینگنی اوچون، چیت ایل رقابت‌لری گه اشتراک قیله آلمه‌گنلر.
چیت ایل ده‌گی ایرکین مبارزه‌لر رقابت‌لری ایکی آی آلدین اوزبیکستان پایتختی تاشکینت شهری ده یولگه قوییلگن.
بیزلرنینگ فیسبوک صحیفه‌میزگه باش اورینگ!
بلخ ده ایرکین مبارزه‌لر سپورتچیسی فواداحمد وزیری نینگ ایتیشیچه، اسلام امیرلیگی تامانیدن ویزه‌سی بیکار قیلینگنی سبب، اوشبو بولیم سپورت رقابت‌لریده اشتراک ایته آلمه‌گن. اونگه کوره: «آی‌لر زحمت چیکیب مشق قیلگن من؛ بیراق حکومت تامانیدن ویزه‌م بیکار قیلینگنی سبب، ایکی آی آلدین تاشکینت شهری ده یولگه قوییلگن مسابقه‌لرده اشتراک ایته آلمه‌دیم.»
بلخ ده ایرکین مبارزه‌لر سپورتچیلری، سرپرست حکومت دن اولرنی قوللب_قوتلب و چیت ایل بیلله‌شوولرده اشتراک قیلیش اوچون اولر گه زمینه یره‌تیشنی طلب قیله‌دیلر.
بیزلرنینگ «ایکس» ترماغی ده هم تعقیب قیلینگ!
ایرکین مبارزه‌لر آلتینچی دور بیلله‌شووی، جمعه کیچه، ۷ میزان، بلخ مرکزی مزارشریف شهری «ZFC» تشکیلاتی ده، ایران دن اوچ سپورتچی شامل ۲۲ سپورتچی اشتراکی بیلن یولگه قوییلدی.
اوشبو بیلله‌شوولرده، افغانستان‌لیک اوچ سپورتچی ایران‌لیک رقیب‌لری برابریده غالب بولگنلر.
