بلخ ایکینچیلیک ریاستی‌ده مسئوللر نینگ ایتیشلریچه، بوگون (پنجشنبه، ۱۹-میزان)، اوشبو ولایت مرکزی مزارشریف شهری‌ده بیر کونلیک ایچکی تولیدلر، ایکینچیلیک محصوللری و قول صناعتی کورگزمه‌سی یولگه قوییلگن.
بلخ ایکینچیلیک ریاستی نینگ پلان مدیری عبدالعزیز میوند نینگ ایتیشیچه، مذکور کورگزمه افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، مالی حمایتی بیلن عایله‌لر نینگ قوللب-قوتلنیشی و عیاللر نینگ خودکفالیگی مقصد یولگه قوییلگن.
بیزلرنینگ فیسبوک صحیفه‌میزگه باش اورینگ!
جناب میوند نینگ کوپه‌یتیریشیچه، اوشبو کورگزمه‌ده بلخ ولایتی دهدادی تومنی و سمنگان ولایتی خُلم تومنی‌ده‌گی عیاللر نینگ قول صناعتی، ۷۰ غرفه‌ده نمایش گه قوییلگن.
بلخ ایکینچیلیک ریاستی نینگ پلان مدیری گه کوره: «ایکینچیلیک بوییچه ترقیاتی لایحه‌لر، عایله‌لر اقتصادی رواجلنیشی مقصد یولگه قوییله‌دی و بو اوچینچی کورگزمه دیر. مذکور برنامه‌دن مقصد ساتیب آله‌دیگن و ایکینچیلر بیلن ایشلب چیقرووچیلر آره‌سیده مناسبتلرنی یره‌تیش دیر.»
شونده‌ی بیرحالده، تدبیرکار عیاللردن قطاری مذکور کورگزمه نینگ یولگه قوییلگنی‌دن خورسند‌لیک قیلیب و ایتیشلریچه، بو کبی کورگزمه‌لر یولگه قوییلیشی عیاللر خودکفالیگی و اولر نینگ تولیدلری توغریسیده بازار یره‌تیلیشی گه فایده‌لی بولیشی ممکن.
اوشبو کورگزمه‌ده‌گی تدبیرکار عیاللردن بیری فریبا نوری نینگ سلاموطندار گه ایتیشیچه: «بو کورگزمه نینگ کوپینچه فایده‌سی بار، چونکه باله‌لریمیز نینگ خره‌جتی نی قولگه کیلتیره آلهمیز و شونینگدیک عایله خره‌جتلرینی نینگ تامین‌لنیشی‌ده حصه قوشه آلهمیز.»
بیزلرنینگ «ایکس» ترماغی ده هم تعقیب قیلینگ!
ایتیلیشچه، بو ایچکی تولیدلر بیلن ایکینچیلیک محصوللری خصوصیده یونیسف آرقه‌لی مملکت شمالی‌ده یولگه قوییلگن اوچینچی کورگزمه دیر.
