بلخ ولایتیده ناتانیش قوراللی کیشی‌لرنینگ ملی اردو کوچلری اوستیگه اویوشتیرگن هجومی نتیجه‌سیده، ۲ حربی هلاک و باشقه ۳ حربی یره‌لنگن.
موترسایکل ده بولگن ناتانیش قورالی کیشی‌لر ملی اردو حربی‌لری گه تیگیشلی بولگن رنجر تیپی موتر گه هجوم ایتگنی سبب ۲ ملی اردو حربی‌سی اولیب و ۳ ملی اردو حربی‌سی یره‌لنگن.
شاهین ۲۰۹ قول اردو قومندانلیگی نینگ سوزلاوچیسی محمد حنیف رضای اوشبو خبرنی تأیید ایتیب ایتیشیچه، اوشبو واقعه بوگون (سه‌شنبه، ۲۳- جدی) ساعت ۷:۳۰ دقیقه ده مزارشریف شهری نینگ بیشینچی ناحیه‌سیده یوزبیرگن.
جناب رضائی نینگ گه کوره، اوشبو واقعه‌ده ۲ عیال حربی اولیب و موتر هیداوچی شامل ۳ حربی یره‌لنگن.
شاهین ۲۰۹ قول اردو قومندانلیگی سوزلاوچیسی گه کوره، اوشبو هجوم تروریستی هجوم بولیب و هجوم نتیجه‌سیده قربان بولگن‌لر نینگ برچه‌سی حربی‌لر بولگن.
ایتیش لازم که حاضرگچه هجوم مسؤلیتی نی کیشی یاده گروه اوز ضمه‌سیگه آلمه‌گن.
