مملکت شمالیده ۲۰۹ شاهین قول اردو قومندانلیگی مسئوللری نینگ ایتیش‌لریچه، بلخ ولایتی نینگ نهر شاهی تومنیده طالبان گروهی نینگ بیر قومندانی هلاک، ۵ اعضاسی یره‌لنگن و شونینگدیک باشقه ۵ ته‌سی اسیر آلینگن.
مملکت شمالیده ۲۰۹ شاهین قول اردو قومندانلیگی سوزلاوچیسی محمد حنیف رضایی نینگ ایتیشیچه، اوتگن کیچه بلخ ولایتی نهر شاهی تومنی نینگ کمپیرک قیشلاغیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور گروه نینگ بیر قومندانی هلاک، ۵ ته‌سی یره‌لنگن و شونینگدیک باشقه ۵ ته‌سی اوشلب آلینگن.
جناب رضایی گه کوره، شونینگدیک مذکور آتیشمه‌ده طالبان گروهی بیر قرارگاهی امنیتی کوچلر آرقه‌لی نابود ایتیلگن.
شاهین قول اردو قومندانلیگی سوزلاوچیسی نینگ کوپه‌یتیریشیچه، طالبان گروهی نینگ کلیدی قومندان‌لردن بیری ملاشاپور نینگ اویی تیکشیریلگن کیم نتیجه‌ده بیر قنچه حربی جهاز امنیتی کوچلرنینگ قولیگه توشگن.
طالبان گروهی حاضرگچه بو حقده فکر بیلدیرمه‌گن.
