بغلان ولایتی‌ده عیال‌لر قول صناعت ایشخانه مسئوللری نینگ ایتیش‌لریچه، افغانستان ده اسلامی امارت نینگ قدرت گه ایریشگنیدن کیین، اولر نینگ قول صناعت تولیدلری ۷۰ فایز کمه‌یگن دیر.
بغلان ولایتی‌ده سوداگر عیال‌لر انجمن عضوی و قول صناعت ایشلب چیقاریله‌دیگن ایشلاخانه‌لردن بیری نینگ رئیسی مارینا امانی نینگ سلام‌وطندار گه ایتیشیچه، سابق دولت نینگ سقوط قیلمس‌دن آلدین، قول صناعت تولیدلری مملکت‌دن تشقی گه صادر بوله‌ر ایکن، بیراق حاضر ایسه کوپینچه قیین‌چیلیک‌لر سبب، قول صناعت‌لری نی مملکت‌دن تشقی گه صادر قیله آلمه‌یدیلر.
بیزلرنینگ فیسبوک صحیفه‌میزگه باش اورینگ!
بانو امانی قول صناعت تولیدلری نینگ بازاری کمه‌یگنی سببی نی اهالی نینگ یامان اقتصادی وضعیت‌لری عنوان قیلیب و ایتگن که، اوشبو قیین‌چیلیک عیال‌لر قول صناعت تولیدلری نینگ کمه‌یشی گه سبب بولگن.
شونده‌ی بیرحالده، اوشبو قول صناعت تولیدی ایشخانه‌ده ایشله‌یدیگن عیال ایشلاوچیلردن بیر قطاری نینگ ایتیشیچه، قول صناعتی نینگ بازاری یوقلیگی سبب، اقتصادی قیین‌چیلیک بیلن روپه‌ره بولگنلر.
شونینگدیک افغانی کییم تیکه‌دیگن تانیا، قول صناعت تولیدی ایشخانه‌لر و صناعت بیلن شغللنگن عیال‌لردن کوپراق حمایت بولینیشی نی سوره‌گن.
عین حالده، بغلان ده ایش و اجتماعی ایشلر ریاست رئیسی قاری نصرت‌الله پارسال نینگ ایتیشیچه، قول صناعت تولیدی ایشخانه‌لردن قطاری نینگ هماهنگ‌لیگی بولمه‌گنی بیرحالده، بیراق ینه هم ایشخانه‌لردن کوپینچه‌سی‌دن حمایت قیلگنلر.
بیزلرنینگ توییترده هم تعقیب قیلینگ!
ایتیلیشچه، بغلان ده عیال‌لر تامانیدن اون‌لرچه کیچیک و بویوک قول صناعتی ایشخانه‌لر ایجاد بولیب و عیال‌لر فعالیت قیلماقده که، اوتمیش‌ده تولیدلری اینیقسه چرمه‌دوزی کییم‌لری سوداگرلر تامانیدن مملکت‌دن تشقی گه صادر بولیب ساتیله‌ر ایکن، بیراق حاضر ایسه مملکت‌ده اسلامی امارت نینگ قدرت گه ایریشگنیدن بویان، بازار یوقلیگی سبب، تولیدلری نظیری کوریلمه‌گن درجه‌ده کمه‌یگن دیر.
