بغلان ولایتی کسل‌خانه‌سیده‌گی کسل‌دارلردن قطاری، اوشبو کسل‌خانه‌ده درمانی خذمت‌لردن فایده‌لنه آلمسلیک‌دن شکایت قیله‌دیلر. اولر نینگ ایتیشلریچه، یاتاق کم‌لیگی، امکانیت کم‌لیگی و کسل‌لر خصوصیده توجه‌سیزلیک، اولر نی جدی قیین‌چیلیک‌لر بیلن روپه‌ره قیلگن.
کسل‌دارلردن غلام‌رسول نینگ ایتیشیچه، باله‌سی جدی شکلده کسل بولگنی بیرحالده، بیراق بغلان ولایتی کسلخانهسیده یاتاق یوقلیگی سبب، بستری بولمه‌گن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «باله‌م کسل؛ شفاکارلر کوریب بیراق جای یوق دیه‌دیلر؛ تنفسی وضعیتی یخشی ایمس. ییریک رسمی‌لر اینیقسه حاکم صاحب‌دن اهالی قیین‌چیلیگی حلی اوچون یاتاق‌لر نینگ کوپه‌یتیرییشی نی ایسته‌یمن.»
شونینگدیک کسل‌دارلردن باشقه بیری محمد‌رسول نینگ ایتیشیچه: «یاتاق کم دیر؛ اوزلرینگیز وضعیت نی کوریب اولتیرگن‌سیزلر که قنده‌ی بیر وضعیت. کسلیمیز نی ارقه‌میز گه آلیب اوی گه آلیب کیته‌میز. کسل‌دارلر کیچه‌لر ییر گه یاته‌دی. یاتاق تیارلنیشی و بو قیین‌چیلیک‌لر نینگ حل بولیشی کیر‌ک.»
مذکور کسل‌دارلر نینگ ادعا قیلیشلریچه، کوپینچه پیت طبی تست‌لر اوچون اولردن پول ایسته‌لگن.
عین حالده، بغلان ولایتی کسلخانهسیده مسئوللر، کسل‌لردن پول آلینیش ایسته‌گی و کسل‌لر خصوصیده توجه‌سیزلیک موضوع‌سینی ناتوغری عنوان قیلیب ایتیشلریچه، مذکور کسل‌خانه گه خلق‌ارا یاردم بیرووچی نهادلر یاردمی کیسیلگنی سبب، درمانی خذمت‌لر ارائه‌سی قیین‌چیلیک بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
بغلان ولایتی کسل‌خانه آمری شاه‌ولی احمدی نینگ ایتیشیچه: «اوتگنلرده بغلان ولایتی کسل‌خانه‌سی قیزیل خاچ آرقه‌لی تمویل بوله‌ر ایدی؛ تورت آی‌دن بیری کسل‌خانه نی قویبیرگن. حاضر ایسه کسل‌لر اوچون یالغیز برنجی‌میز بار و کیسیلگن دیب ادعا قیلسه‌لر، اونی رد قیله‌‌میز؛ درست ایمس.»
بغلان ولایتی کسلخانهسیده مسئوللر نینگ کوپه‌یتیریشلریچه، اوشبو ولایت‌ده باشقه بیرته کسل‌خانه قوریلیشی خصوصیده ایش نینگ دوامی بار که اونینگ ایشی یکونلنیشی بیلن، کسل‌لر قیین‌چیلیگی حل بولیشی ممکن.