بغلان ولایتی‌ده سویابین یا-ده آق لوبیا ییتیشتیریلیشی یخشی نتیجه بیریب و اوشبو ولایت ایکینچیلیک، سووغاریش و چاروه‌چیلیک ریاستی مسئوللری هم آق لوبیا نینگ نمایشی قطعه‌لری تیکشیریلیب عملگه آشیریلگندن کیین، بو محصول اوروغی نی ایکینچیلرگه ترقه‌تگنلر.
لیکن نیچه ییل‌دن بیری مذکور محصول نینگ ایکیلیشی بیلن شغللنگن بغلان ولایتی‌ده‌گی ایکینچیلردن قطاری، سونگی ییل‌لر آق لوبیا بازار یوقلیگی‌نی بیان قیلیب و ایتیشلریچه، اوشبو ولایتده بو محصول نینگ قوللنیش سطحی آز بولیب و اونینگ فایده‌سی حقیده اهالی معلوماتی یوق دیر. مذکور ایکینیچیلر، مسئوللردن بو محصول اوچون ساتیلیش بازار کوپه‌یشی مقصد سویابین فایده‌سی خصوصیده اهالی گه معلومات بیریلیشی نی ایستهگنلر.
بغلان ولایتی‌ده‌گی ایکینچیلردن سیدالرحمان و مصطفا نینگ سلام‌وطندار گه ایتیشلریچه، مذکور ولایتده ایکینچیلردن کوپ قطاری ایکینچیلیک ریاستی‌دن سویابین اوروغی نی قولگه کیلتیریب و اونینگ ایککنلر؛ بیراق کیچ حاصل بیریشی سبب، ایکینچیلردن کوپ قطاری اونینگ قیته ایکمه‌گنلر.
بیزلرنینگ فیسبوک صحیفه‌میزگه باش اورینگ!
سیدالرحمان گه کوره: «ایکی ییل ایکدیک و بیرینچی ییل‌ده یخشی ایدی و بو توغریده اونچه‌لیک معلوماتی‌میز هم یوق ایدی. کیینگی ییلی که اوتگن ییل ایدی، ایککنی‌میزده، اصلاح بولگن اوروغ یوقلیگی اوچون نتیجه‌سیز بولدی و دانه آلمه‌دی.»
شونینگدیک مصطفا نینگ ایتیشیچه: «نیچه ییل‌دن بیری سویابین ایکه‌میز، بیرینچی‌ده سرده بولگنی اوچون یخشی حاصل آلالمه‌دیک و شونینگدیک بو محصول گه یخشی بازار هم یوق. آوقت‌لنیش اوچون یخشی بیر منبع دیر، بیراق افغانستان اهالی‌سی اوشبو محصول‌دن کوپ قوللنمه‌یدیلر. دولت‌دن سویابین ایکیلیشی خصوصیده بیزلر گه بازار تاپیلیشی نی ایسته‌یمیز.»
عین حالده، بغلان ولایتی یشاوچیلریدن قطاری اوشبو محصول فایده‌لری نی بیان قیلیب و اهالی‌دن سویابین‌دن کوپراق قوللنیشلری نی ایستهگنلر. اوشبو ولایت یشاوچیلریدن احمدجواد نینگ سلام‌وطندار گه ایتیشیچه: «سویابین کوپ اونملی و فایده‌لی آزیق-آوقت محصوللریدن بولیب و توییب-آوقتلنمسلیککه چلینگن کیشیلر اوچون کوپ فایده‌لی دیر. سوت بیره‌دیگن آنه‌لر نینگ سوتی کوپه‌یشی اوچون یخشی دیر. شونینگدیک ۳۵-۴۰ فایز پروتینی بار و اهالی نینگ قوللنیشی کیره‌ک، بیراق بغلان ده بو محصول نینگ قوللنیشی کوپ آز دیر.»
بغلان ده ایکینچیلیک ایشلری بوییچه ایش بیلرمانلردن قطاری سویابین ارزشی و فایده‌لری گه اشاره قیلیب و ۹۰ فایزدن کوپراق بو ولایت هواسی نینگ اوشبو محصول ایکیلیشی اوچون مناسب بولگنی نی بیان قیلیب و ایتیشلریچه، ایکینچیلر بازار یوقلیگی اوچون بو محصول نینگ ایکیلیشی خصوصیده اونچه‌لیک قیزیقمه‌ی و باشقه مملکت‌لر گه قره‌گنده افغانستان ده آق لوبیا آزراق قوللنیله‌دی.
بو توغریده ایکینچیلیک ایشلری بوییچه ایش بیلرمانلردن عبدالخالق محمدی نینگ ایتیشیچه: «قیغو بیلن افغانستان ده آق لوبیا نینگ اونچه‌لیک تاریخی یوق. چین، امریکا، برازیل و آرژنتین کبی مملکت‌لرده میلاد‌دن ایکی مینگ ییل آلدین رواجلنگن ایدی و چین اهالی‌سی ایسه بیشینچی مقدس دانه صفتیده اونینگ قبول قیلگنلر، بیراق افغانستان اینیقسه بغلان ده ینگی بیر محصول بولیب و اهالی نینگ اوندن قوللنیشی گه یوز کیلتیرگنی‌دن بیر دهه‌دن کوپراق بولمه‌یدی.»
باشقه بیر تاماندن بغلان ایکینچیلیک، سووغاریش و چاروه‌چیلیک ریاستی مسئوللری نینگ سلام‌وطندار گه ایتیشلریچه، اوتگن ییل‌لرده اوشبو ولایتده بیر مینگ‌دن آرتیق ییرگه سویابین ایکیله‌ر ایکن؛ بیراق حاضر ایسه بازار یوقلیگی سبب بو محصول ایکیلیشی خصوصیده ایکینچیلر نینگ قیزیقیشی کمه‌یگن.
بیزلرنینگ «ایکس» ترماغی ده هم تعقیب قیلینگ!
بغلان ایکینچیلیک، چاروه‌چیلیک و سووغاریش ریاستی نینگ ایکینچیلیک ایشلری بوییچه آمری نعمت‌الله نوری گه کوره: «جمهوریت توزومی‌ده بیر مینگ جریب ییرگه ایکیله‌ر ایدی، قیغو بیلن بو محصول اوچون اونچه‌لیک بازار یوق و شو رقم اونینگ ایکیلیشی خصوصیده دهقانلر قیزیقیشی هم کمه‌یماقده. اوتگن ییل دهقان‌لریمیز ۷۰۰ جریب‌‌دن آرتیق ییرگه ایککن ایدی و قیغو بیلن کیچ حاصل بیریب و دهقانلر یخشی حاصل قولگه کیلتیره آلمه‌دیلر.»
شونده‌ی بیرحالده، دنیا مملکتلریدن قطاری سویابین یا-ده آق لوبیادن یاغ، سوت، بیسکویت و باشقه آزیق-آوقت محصولاتی اوچون ایش آلیب و اونینگ قالگن ماده‌لرینی تاووقلر اوچون قوللنه‌دیلر و حاضر ایسه افغانستان نینگ تورلی ولایت‌لریده سویابین نی پروسس قیله‌دیگن نیچه کارخانه نینگ فعالیتی بار.
ایتیش کیره‌ک که، سویابین یا-ده آق لوبیا، بیرینچی مرته ۲۰۰۴-ییل‌ده تریاک اورنیده بدیل ایکین مقصد، امریکا دن افغانستان گه کیلتیریلیب و سونگی ایکی دهه‌ده مملکت بویلب اوشبو محصول نینگ ییتیشتیریلیشی سیزیلرلی درجه‌ده کوپه‌یگن.
