بادغیس ده محلی مسئوللر نینگ ایتیشلریچه، اوشبو بیلله‌شولر بادغیس و قندهار ولایت‌لری نینگ پهلوان‌لیک بولیمی سپورتچیلری آره‌سیده باشلنگن.
بادغیس حاکمی سوزلاوچیسی احمد‌جان حنظله نینگ ایتیشیچه، اوشبو بیلله‌شولر مذکور ولایت سپورت آمریتی دعوتی گه بادغیس ولایتی آب‌کمری تومنی نینگ «پسته‌لق» منطقه‌سیده باشلنگن.
بیزلرنینگ فیسبوک صحیفه‌میزگه باش اورینگ!
حنظله گه کوره، اوشبو بیلله‌شولر یشاوچیلر آره‌سیده همجهت‌لیک و بیردم‌لیک نی تامین‌لش مقصدیده، بادغیس و قندهار ولایت‌لریدن ۲۶۰ پهلوان نینگ اشتراکی بیلن یولگه قوییلگن.
بادغیس حاکمی سوزلاوچیسی نینگ کوپه‌یتیریشیچه، مذکور بیلله‌شولر اوچ کونگچه دوام قیلیشی ممکن.
بیزلرنینگ «ایکس» ترماغی ده هم تعقیب قیلینگ!
شونینگدیک نیچه کون آلدین هم اوشبو ولایت تیوره تومنی‌ده غور سپورتچیلری آره‌سیده پهلوانلیک‌لر بیلله‌شولری اوتکزیلگن ایدی.
