بدخشان ولایتی یشاوچیلریدن قطاری نینگ ایتیشلریچه، سونگی نیچه کون جریانیده یوز بیرگن سوو تاشقینلر نتیجه‌سیده، اهالی گه کوپینچه مالی زیان ییتیشگن.
اولر گه کوره، اوشبو سوو تاشقینلر یفتل پایان تومنی نینگ «بازار اتفاق» منطقه یشاوچیلری گه کوپینچه زیان ییتکزیب، مذکور منطقه‌ده اونلب یشش اوی و دوکان‌لر بیلن یوزلب جریب ایکینچیلیک ییر ویران بولگن.
شوتده‌ی بیرحالده، مذکور تومن یشاوچیسی سفرمحمد سوو تاشقینلر نتیجه‌سیده زیان کورگنلر گه یاردم بیریلمه‌گنی نی بیان قیلیب ایتیشیچه: «حاضرگچه هیچ قنده‌ی یاردم قولگه کیلتیرمه‌گن‌میز. طبیعی حادثه‌لر گه قرشی کوره‌ش باشلیغی بیر قطار موسسه‌لر بیلن کیلگن، بیراق یاردم بیریلمه‌گن و شو رقم یشش اویلر هم بوتونلی ویران بولگن. اوی‌لری ییقیلگن یشاوچیلری گه اسلام امیرلیگی و تشقی موسسه‌لر نینگ یاردم بیریشی نی ایسته‌یمیز که اهالی بو قیین‌چیلیک‌دن خلاص بولسین.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن بدخشان ولایتی شهدا و ارگو تومنلری یشاوچیلری نینگ ایتیشلریچه، سونگی سوو تاشقینلر طفیلی اوشبو تومنلر قیشلاقلریده یشش اویلر، ایکینچیلیک ییرلر و باغ‌لردن قطاری ویران بولیب و محل یشاوچیلری گه کوپینچه مالی زیان ییتیشگن.
بدخشان ولایتی شهدا تومنی یشاوچیسی زین‌الدین نینگ ایتیشیچه: «زیانلر خو بیخی کوپ. باغلر، ایکینچیلیک ییلر، فرعی سرکلر مکمل ویران بولگن. شکر که جانی تلفات یوق. لیکن مالی زیان کوپ دیر. سوو تاشقینی قریب اوچ ساعت دوام قیلدی. عصر چاغی باشلنیب و خفتن‌گچه دوام قیلدی. برچه اهالی قیشلاق‌دن چیققن ایدی. اهالی کوپینچه قیین‌چیلیک بیلن روپه‌ره بولگن.»
شونینگدیک مذکور تومنلر یشاوچیلری اسلام امیرلیگی و یاردم بیرووچی نهاد‌لر آرقه‌لی عاجل یاردم بیریلیشی نی ایسته‌گنلر.
شونده‌ی بیرحالده، بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، دستلبکی معلوماتلر گه قره‌گنده سونگی سوو تاشقینلر و طبیعی حادثه‌لر نتیجه‌سیده یفتل پایان تومنی‌ده ۲۰ یشش اوی، ۴۷ دکان و یوزلب جریب ایکینچیلیک ییر و شونینگدیک شهدا تومنی‌ده ۱۸ یشش اوی بوتونلی ویران بولیب و باشقه تومن‌لرده ایسه حاضرگچه یتیشگن زیانلر حقیده انیق معلومات قولگه یوق.
بیزلرنینگ فیسبوک صحیفه‌میزگه باش اورینگ!
بدخشان طبیعی حادثه‌لر گه قرشی کوره‌ش ریاستی نینگ حادثه‌لر گه ییتیشیش بوییچه آمری محمد کامگار نینگ سلام‌وطندار گه ایتیشیچه، اوشبو ولایت نینگ یفتل پایان، وردوج و شهربزرگ تومن‌لریده مالی زیانلر گه علاوه اوچ کیشی، سوو تاشقینلر، تاش قولشی و چقماق طفیلی هلاک بولگن.
کامگار نینگ کوپه‌یتیریشیچه: «بوتون هفته جریانیده یوز بیرگن سوو تاشقین‌لرده ایکی کیشی یره‌لنیب و اوچ کیشی اولگن. ۲۴ یشش اوی طبیعی حادثه‌لرده ویران بولگن. همکار موسسه‌لر و DRR بولیمی ده‌گی دفترلر آرقه‌لی ان‌شاءالله اولر گه جواب قیتریله‌دی. بیر جلسه‌ده تشکیلاتلر و همکار شریکلریمیز‌دن زیان کورگن عایله‌لر و زیان ییتیشگن اویلر نینگ قیته قوریلیشی خصوصیده یاردم ایسته‌یمیز.»
بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، حاضرگچه مذکور ریاست ایشلاوچیلری طبیعی حادثه‌لر جمله‌دن سوو تاشقینلر یوز بیرگن تومن‌لرده آمار توپلماقده‌لر.