بدخشان محلی مسئوللری نینگ ایتیشلریچه، اوشبو ولایت جرم تومنی یشاوچیلریدن بیری بولمیش فرهاد غفوری اسملی بیر کیشی غزنوی‌لر دوره‌سیگه تیگیشلی ۲۱ قدیمی تنگه‌نی، معلومات و مدنیت ریاستی نینگ محلی موزیمی گه تاپشیرگن.
فرهاد غفوری نینگ ایتیشیچه، اوشبو تنگه‌لر نی اوز یانیده سقله‌ر ایکن و حاضر ایسه بدخشان محلی موزیمی فرهنگینی باییتیش و بابالری نینگ کیم‌لیگینی اسره‌ش اوچون مذکور تنگه‌لر نی محلی موزیم گه تاپشیرگن.
بیزلرنینگ فیسبوک صحیفه‌میزگه باش اورینگ!
شونینگدیک او اوشبو ولایت نینگ باشقه یشاوچیلریدن، یانلریده بولگن قدیمی، تاریخی و فرهنگی نرسه‌لری نینگ محلی موزیم گه تاپشیریشلرینی ایسته‌گن.
بدخشان معلومات و مدنیت وزیرلیگی نینگ تنگه‌لر بولیمی مدیری مایل‌‌آقا کریمی نینگ ایتیشیچه، مذکور تنگه‌لر غزنوی‌لر دوره‌سیگه تیگیشلی بولیب و اوشبو تنگه‌لر یوزیگه غزنوی‌لر نینگ علامه‌لری و لقب‌لری اوریلگن دیر.
بیزلرنینگ «ایکس» ترماغی ده هم تعقیب قیلینگ!
اونگه کوره، بو تنگه‌لر بیرمینگ ییل‌لیک تاریخی قدامت گه ایگه بولیب و مملکت نینگ باشقه ولایت‌لریده هم بارلیگی ممکن و اوشبو تنگه‌لر ارزشی مینگ‌لب دالر دیر.
