بدخشان ده اسلامی امارت محلی مسئوللری نینگ ایتیشلریچه، اوشبو ولایت نینگ تورت تومنی جمله‌دن جرم، وردوج، بهارک و ارگو ده یوز بیرگن سوو تاشقین‌لری نتیجه‌سیده، اونلب تورر اوی بوزیلیب، ایکینچیلیک ییرلر و میوه‌لری ثمر گه ییتگن باغ‌لر یوق بولگن و شونینگدیک بهارک و وردوج تومن‌لریده عمومی ایکی یول بوزیلگن.
بیزلرنینگ فیسبوک صحیفه‌میزگه باش اورینگ!
بدخشان طبیعی آفت‌لرنی باشقریش ایشلری بوییچه باشلیغی محمداکرم اکبری نینگ ایتیشیچه، سوو تاشقینی باعث وردوج_بهارک عمومی قتناو یولی باغلنگن ایدی، بیراق وردوج تومنی اولسوالی یاردمی بیلن تازه‌لنیب و حاضر ترافیک یوزی گه آچیلگن.
بدخشان طبیعی آفت‌لرنی باشقریش رئیسی نینگ کوپه‌یتیریشیچه، ارگو تومنی «غوجه اشتل» قیشلاغیده سوو تاشقینی باعث ۹ تورر اوی بوزیلگن. عین‌حالده باغلیق اداره‌لر و یاردم بیرووچی مؤسسه‌لردن عبارت تدقیقاتی بیر تیم تامانیدن مذکور اوی‌لر تیکشیریلماقده که انیق تیکشیریلیشدن کیین، زیان کورگن‌لر گه یاردم کورسه‌تیلیشی ممکن.
بیزلرنینگ توییترده هم تعقیب قیلینگ!
باشقه تاماندن بدخشان ولایتی جرم تومنی یشاوچیلری نینگ ایتیشلریچه، «دشت نور» منطقه‌سی و اوشبو تومن نینگ «دشتک» قیشلاغی ده یوز بیرگن سوو تاشقینی، بادرنگ، لوبیا و بوغدای کبی ایکین‌لرینی تخریب قیلیب و آغیر مالی زیان ییتکیزگن.