بدخشان ولایتی یاوان تومنی یشاوچیلری نینگ ایتیشلریچه، اوشبو تومن نینگ «یدنیل» و «مَرچ‌ها» قیشلاق‌لریده ییر سیلجیشی عاقبتیده ۳۲۳ یشش اوی بوزیلگن.
اولر گه کوره، مذکور واقعه طفیلی هیچ جانی تلفات کورمسه ده، بیراق اولر گه آغیر مالی زیان ییتکیزگن.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، واقعه باعث برچه امکانیت‌لرینی قولدن بیرگنلر.
اوشبو یشاوچیلر گه کوره، بدخشان ولایتی یدنیل و مرچ‌ها قیشلاق‌لری نینگ اهالیسی اوی_جای‌لرینی ترک قیلیشماقده و اولر حکومت مسئوللری و یاردم بیرووچی نهادلر نینگ واقعه باعث زیان کورگنلر برابریده‌گی بی فرق‌لیک‌لریدن شکایت قیله‌دیلر.
بدخشان طبیعی آفت‌لرنی باشقریش ریاستی مسئوللری نینگ ایتیشلریچه، یاوان تومنیده ییر سیلجیشی عاقبتیده تورت قیشلاق بوزیلیب و جدی تهدید آستیده قرار تاپگن.
بیزلرنینگ توییترده هم تعقیب قیلینگ!
بدخشان طبیعی آفت‌لرنی باشقریش آمری محمدکامگار نینگ سلام‌وطندار گه ایتیشیچه، واقعه طفیلی زیان کورگنلر اوچون یاردم بیرووچی مؤسسه‌لر اویغون‌لیگی بیلن وقتینچه‌لیک تورر جایلرنی نظر گه آلگنلر.
ایتیش کیره‌ک که، بدخشان ولایتی یاوان تومنی «یدنیل» قیشلاغیده چهارشبه کونی، ۱۵ سنبله، تاغ سیلجیشی عاقبتیده ۱۲ یشش اوی بوزیلگن و اوشبو کوندن بویان مذکور منطقه ده ییر قیمیردشی توختمه‌گن.
