بدخشان ده منبع‌لر نینگ ایتیشلریچه، اوشبو ولایت مرکزی فیض‌آباد شهری نینگ «چشمه‌ی بید» قیشلاغیده، محل یشاوچیلر آرقه‌لی بیر کوپریک نینگ قوریلیش ایشی باشلنگن.
بیزلرنینگ «ایکس» ترماغی ده هم تعقیب قیلینگ!
مذکور لایحه خلق کمیته‌سی سرپرستی عبدالعظیم فائز نینگ ایتیشیچه، کینگ‌لیگی تورت متر و اوزون‌لیگی ۲۰ متر بولگن اوشبو کوپریک، مسلکی مهندسلر تامانیدن اهالی نینگ فعال اشتراکی‌ده قوریله‌دی.
جناب فائز گه کوره، فیض‌آباد شهری «چشمه‌ی بید» قیشلاغی نینگ «دهن آب» منطقه‌سیده قوریله‌دیگن بو کوپریک، تورت میلیون افغانی خره‌جت کوتارگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، مذکور قیشلاق یشاوچیلری گه علاوه، ۳۰۰دن آرتیق عایله‌دن عبارت بولگن «مومن‌آباد، قلات شیخ و رباط» قیشلاقلر یشاوچیلری هم بو کوپریک‌دن فایده‌لنیشلری ممکن.
عبدالعظیم فائز، خواطر بیلدیریب و ایتیشیچه، اهالی نینگ اقتصادی قیین‌‌چیلیگی سبب بو کوپریک قوریلیش ایشی نینگ تیزلیککه یکونلنمسلیگی ممکن و حکومتی مسئوللر، موسسه‌لر و سوداگرلردن اونینگ قوریلیشی خصوصیده همکارلیک قیلیشلرینی ایسته‌گن.
بو کوپریک نینگ قوریلیشی نه فقط اوتیب-قیتیش و اهالی حیاتی خصوصیده آسایشته‌لیک یره‌ته‌دی؛ بلکیم سوو تاشقین‌لر طفیلی زیان‌لر کمه‌یشی و اهالی نینگ جانی و مالی خوفسیزلیگی خصوصیده ده هم یاردم بیریشی ممکن.
