بدخشان محلی مسئوللری نینگ ایتیشلریچه، بوگون (دوشنبه، ۳ اسد) اوشبو ولایت نینگ جرم تومنی حدودلریده بیر موتر دریا گه چپه بولیشی نتیجه‌سیده، بیر عیال و بیر باله شامل اوچ کیشی هلاک بولگن.
بیزلرنینگ فیسبوک صحیفه‌میزگه باش اورینگ!
بدخشان معلومات و مدنیت باشلیغی معز‌الدین احمدی، بدخشان ولایتی امنیه قوماندان‌لیگی نینگ مطبوعاتی دفتری دن نقل قیلیب ایتیشیچه، جرم تومنی «سینه» قیشلاغی گه قره‌شلی «پُل» منطقه‌سیده کوکچه دریاده «کرولا» رسوملی بیر موتر چپه بولیشی باعث، موتر هیداوچی، بیر عیال و کیچیک یاشر بیر باله شامل اوچ کیشی اوز جان‌لرینی قولدن بیرگنلر.
بدخشان معلومات و مدنیت باشلیغی نینگ کوپه‌یتیریشیچه، اوشبو واقعه سببی حاضرگه قدر بیللی بولمه‌گن.
بیزلرنینگ توییترده هم تعقیب قیلینگ!
اوشبو ییل بدخشان و مملکت نینگ بیر قطار ولایت‌لریده ترافیکی حادثه‌لر کوپه‌یگن. بدخشان یشاوچیلریدن قطاری، ترافیکی حادثه‌لر کوپه‌یش سببینی یوللر بوزوق‌لیگی و هیداوچیلر نینگ دقت‌سیزلیگی عنوان قیله‌دیلر.
