بدخشان بیلیم یورتی طلبهلریدن قطاری، اوشبو ولایت مرکزی فیضآباد شهریده اویلر بیلن اتاقلر کرایهسی کوپهیگنی همده اوی کملیگیدن شکایت قیلیب و ایتیشلریچه، کوپینچه کرایه توللشگه کوچلری ییتیشمهیدی.
بامیان یشاوچیسی و بدخشان بیلیم یورتی طلبهلریدن فردیننینگ ایتیشیچه، اوی و اتاق کرایهسی کوپهیگنی اقتصادی قیینچیلیگینی کوپهیتیرگن. اونینگ کوپهیتیریشیچه: «ایکی هفته اتاق اختردیم؛ هیچ اتاق تاپیلمهیدی؛ تاپیلگنیده هم کرایهسی کوپ دیر. بوندن آلدین کرایهسی ۲مینگ ۵۰۰ افغانی بولگن اتاق، حاضر ۵ مینگ افغانی بولگن.»
بدخشان مرکزی فیضآباد شهریده کرایی اتاقده حیات کیچیرهدیگن طلبهلردن حامدنینگ ایتیشیچه، مذکور اویلر ایگهلری اوز باشیمچهلیک شکلده کرایهسینی کوپهیتیرگنلر. «اقتصادی جوده ضعیف بولگن همده باشقه ولایتلر و تومنلردن بدخشان مرکزی گه کیلگن طلبهلر، اتاق کملیگی بیلن روپهره دیر. هیچ اتاق تاپیلمهیدی. اتاقلری و حویلیلری بولگن کیشیلر هم فرصتدن فایدهلنهدی. اتاق کملیگی سبب اتاقلر کرایهسینی کوپهیتیرهدیلر. حکومتدن بو توغریده همکارلیک قیلیشینی سورهیمیز.»
تخار یشاوچیسی و بدخشان بیلیم یورتی کمپیوتر ساینس فاکولتهسی طلبهسی بولمیش جاویدنینگ ایتیشیچه، طلبهلر اقتصادی وضعیتی یخشی بولمهی، باشقه صرف-خرهجت یانیده اتاق کرایهسی یوقاری کیتگنی، اولرنی قیینچیلیک بیلن روپهره قیلگن. «قیغو بیلن سونگی کونلرده اتاق کرایهسی قیینچیلیگی بیلن روپهرهمیز؛ اتاقلر کرایهسی یوقاری کیتگن و طلبهلر امکانیتی یوق. بوندن آلدین ۲ مینگ افغانی کرایهسی بولگن اتاقلر، حاضر ۴ مینگ و ۵ مینگ افغانی بولگن.»
مذکور طلبهلر، اسلام امیرلیگیدن فیضآباد شهریده اوی و اتاقلر کرایهسی مدیریت بولیشینی سورهگنلر.
شوندهی بیرحالده، اسلام امیرلیگی عدلیه وزیرلیگی سوزلاوچیسی برکتالله رسولینینگ ایتیشیچه، هیچ کیم گه اوز باشیمچهلیک شکلده اویلر، آپارتمانلر و اتاقلر کرایهسینی کوپهیتیریشگه رخصت بیریلمهیدی. «۱۴۰۵-ییلده اوی و یشش آپارتمانلر کرایهسی اوشه ایکی ییل آلدینگی یعنی قریب ۱۰ فایز آشیش دیر. اوی ایگهلری و سودا قوللنمه ادارهلری بو ستندرددن یوقاری کرایه تعیینلشگه حقلری یوق.»
شونینگدیک بوندن آلدین هم، ولایتلردن قطاری جملهدن غزنی و پکتیا ده طلبهلر یاتاقخانهدن فایدهلنه آلمسلیک و اجارهای اویلر کرایهسینی توله آلمسلیکدن شکایت قیلگنلر.
