«اوی‌ده اوزیم نی مصروف قیلیب، کیله‌جگیم اوچون بیران ایش قیلیش نی ایسته‌دیم. استعدادیم نینگ اورته‌دن کیتیشی نی درک قیلگن ایدیم، انه شوو سبب، یازیش بیلن وضعیتم نی بیان قیلیب و یوقالگن روحیه و امیدیم نی قیته قولگه کیریتیشنی ایسته‌یمن.» بو، بیلیم یورت‌لر نینگ قیزلر یوزیگه یاپیلگنی‌دن کیین، تحصیل‌دن محروم قالگن سحر شریفی نینگ سوزلری دیر. سونگی کون‌لر یازووچیلیککه یوز کیلتیرگن بانو شریفی نینگ ایتیشیچه، قیزلر یوزیگه بیلیم یورت‌لر ایشیگی نینگ یاپیلگنی‌دن کیین، یازووچیلیککه یوز کیلتیریب و عیاللر برابریده‌گی چیکلاو‌لر و اولر نینگ وضعیتی خصوصیده یازگن رمانی نی اینگ یقین زمان‌ده ترقه‌تیشی ممکن.
عین حالده، تحصیل و ایشدن محروم قالگن عیاللر و قیزلر، کیله‌جکلری خصوصیده تلاش و قیین‌چیلیک‌لردن اوزاق بولیش اوچون، یازووچیلیککه یوز کیلتیرگنلر. مذکور عیاللر نینگ ایتیش‌لریچه، یازووچیلیککه یوز کیلتیرگنلریدن بویان، اوزلری و تحصیل و ایشدن محروم قالگن باشقه عیاللر و قیزلر گه هم امید‌وارلیک ایجاد قیلیش‌لری ممکن.
بیزلرنینگ فیسبوک صحیفه‌میزگه باش اورینگ!
تحصیل‌دن محروم بولگن قیزلردن باشقه بیری فرحت انوری نینگ ایتیشیچه، افغانستان دهگی حقیقت‌لر نی یازیش بیلن، قیین‌چیلیک‌لر بیلن قنده‌ی مبارزه قیلینیشی نی بیان قیلیش اوچون سعی و حرکت قیله‌دی. بانو فرحت نینگ یازگن «زنده‌گی از بهار من» داستانی مولانا نینگ شعرلریدن بیری بیلن باشلنگن. فرحت نینگ کوپه‌یتیریشیچه: «دایم بیر امید‌سیزلیک حیات‌ده بار و انه شوو سبب، دایم امید‌یمیز بولیشی کیره‌ک. بو کتابیم نینگ داستانی‌ده هم اوز و عایله‌سی نینگ آرمان‌لری نی حیقیت‌لشتیریش اوچون قیین‌چیلیک‌لر بیلن مبارزه قیلگن بیر عیال نی کورسته‌دی.»
شونینگدیک بیلیم یورت‌لر ایشیگی یاپیلگنی‌دن کیین، تحصیل‌دن محروم قالگن ادبیات بولیمی طلبه‌لریدن بیری زینت نینگ ایتیشیچه، یازوچیلیککه یوز کیلتیریب و «کاش ندیده بودمت» اسمی آستیده بیر کتاب یازگن دیر. اونینگ کوپه‌یتیریشیچه: «بو رمان افغانی رسم‌ورواج نی کورسته‌دی. ۱۴۰ صحیفه‌لیک اوشبو رمان نی اوقیگن کیشی‌لر احساسی شکلده یازیلگنی اوچون مینی کوپ تشویق قیلگنلر.»
شونده‌ی بیرحالده، تحصیل‌دن محروم قالگن قیزلر یانیده، ایشدن محروم قالگن عیاللردن قطاری هم یازووچیلیککه یوز کیلتیرگن دیر. اولر نینگ ایتیش‌لریچه،َ یازیش یولی آرقه‌لی، جماعه‌ده عیاللر نینگ ییری و نیازی نی بیان قیلیش اوچون سعی و حرکت قیلماقدهلر.
بیزلرنینگ توییترده هم تعقیب قیلینگ!
اسلام امیرلیگی نینگ قدرت گه ایریشگنی‌دن کیین، ایشدن محروم قالگن هنگامه قاسمی نینگ ایتیشیچه، یازیش بیلن افغان عیاللر گه جماعه‌ده‌گی حق‌لری خصوصیده معلومات بیریش نی ایسته‌یدی. اونینگ کوپه‌یتیریشیچه: «عیاللر وضعیتی و عیاللر مقامی نی افغانستان نینگ سنتی جماعه‌سیده کورگنی‌میز پیتده، اولر نی جماعه‌ده روپه‌ره بولگن وضعیت‌لری نینگ بیان قیلینیشی نی ایستمه‌یمن.»
ایتیش کیره‌ک که، سونگی ایکی ییل جریانیده، تحصیل و ایشدن محروم قالگن عیاللر و قیزلر، فرقلی فعالیت‌لر یولی آرقه‌لی، عیاللر برابریده وضع بولگن چیکلاو‌لر باعث، روحی کسل‌لیک‌لر و قیین‌چیلیک‌لردن اوزاق بولیش اوچون سعی و حرکت قیلماقدهلر.
