عیال حقوقی فعاللریدن بیرقطاری نینگ ایتیشلریچه، عیاللردن حمایت قیلووچی نهادلر جمله دن خاتین قیزلر وزیرلیگی فعالیتی توخته‌شی بیلن، قانونی یاشنی تولدیرمه‌گن وزوردن تورموش گه چیقریلگن‌لر نینگ انیق رقمی بیللی ایمس؛ بیراق ترقه‌لگن معلومات‌لر گه بناً مملکت ده قانونی یاشنی تولدیرمه‌گن باله‌لر و زوردن تورموش گه چیقریش رقمی کوپه‌یگن.
عین‌حالده، اوتگن ایکی ییل ده قانونی یاشنی تولدیرمسدن تورموش گه چیقریلگن‌لردن بیرقطاری نینگ ایتیشلریچه، اولکه ده سونگی سیاسی اوزگریش و قیزلر نینگ تقدیری نامعلوم بولیشیدن کیین، تورموش گه چیقیش گه مجبور بولیشگن. مذکور قیزلردن بیری اسمی سر قالیش شرطی و ندامت بیلن ایتیشیچه، سونگی اوزگریش‌لرده ۱۷ یاشر بولیب و جمهوریت توزومی قولشیدن ایکی هفته دن کیین تورموش گه چیقریلگن. اونگه کوره، توی دن آلدین کانکور سیناوی گه اشتراک قیلیب و ۳۱۲ نمره آلیش بیلن اوزی خواه له‌گن فاکولته گه یول تاپگن ایدی؛ بیراق توی قیلیشی باعث تحصیلی گه دوام بیره آلمه‌گن.
مذکور عیال حاضر ۱۹ یاشر بولیب و آلتی آی‌لیک باله آنه‌سی دیر ایتیشیچه، یریم کیچه گه قدر درس اوقیب و اون ایکینچی صنف‌گچه صنف اول‌نمره‌سی ایکن؛ بیراق سونگی سیاسی اوزگریش دن کیین، چیککن زحمت‌لری هدر کیتیب و آرزو_هوس‌لری گه ییتمه آلمه‌گن.
بیزلرنینگ فیسبوک صحیفه‌میزگه باش اورینگ!
آلتی آی آلدین ۱۶ یاشرلیگیده زوردن تورموش گه چیقریلگن مریم گه کوره، درس اوقیب و کیله‌جککه شفاکار بولیشنی آرزو قیلر ایدی؛ لیکن مملکت ده‌گی وضعیت باعث تورموش قوریش گه مجبور بولگن.
زوردن تورموش گه چیقریلگن‌لردن باشقه بیری شهلا گه کوره، جمعیت ده‌گی حاکم ناقولی سنت‌لر باعث توی قیلیش گه تن بیرگن. او کوزی نینگ توله یاشی بیلن ایتیشیچه، درس اوقیب و اوز تقدیرینی بیلگی‌لشنی آرزو قیلر ایدی؛ لیکن توزوم اوزگریشی بیلن، عایله‌سی اونی زوردن تورموش گه چیقریش گه مجبور قیلگن. شهلا گه کوره، هیچ قچان توی قیلیشنی اویلمه‌گندی و عایله اعضالری نینگ راضی قیلیش اوچون قیلگن تلاش‌لری نتیجه‌سیز قالگن.
آتی کبی حیاتی سونگن باشقه عیاللردن بیری پاییز، تورموش قوریش سببینی جمعیت ده‌گی حاکم سنت‌لر و مردسالارلیک عنوان قیلیب ایتیشیچه، مجبوری نکاح حیاتینی اچیق قیلگن. او نینگ کوپه‌یتیریشیچه، ۱۵ یاشرلیگیده نشانله‌نیب و بیر ییل دن کیین توی قیلگن. پاییز گه کوره، عایله‌سیده‌گی ایرکک‌لر او بیلن مصلحت قیلمسدن او نینگ کیله‌جگی حقیده قرار قیلگنلر.
عیال حقوقی فعاللری، قانونی یاشنی تولدیرمسدن و زوردن تورموش گه چیقریلیش سببینی، مملکت ده خاتین قیزلر نینگ تعلیم و ایش دن محروم ایتیلیشی و عیاللرنی قوللب_قوتلاوچی نهادلر حذف ایتیلیشی عنوان قیله‌دیلر.
عیال حقوقی فعالی و سابق تیزیم ده عیاللر وباله‌لر نینگ تدقیقاتی مرکز باشلیغی زرقا یفتلی نینگ ایتیشیچه، مملکت نینگ اوزاق منطقه‌لریدن اونگه بیریلگن معلومات‌لر اساسیده، بیلیم یورت‌لر و آلتینچی صنف دن یوقاری قیزلر گه مکتب باریش ایزینی بیریلمسلیگی دن کیین زوردن تورموش گه چیقریش میزانی کوپه‌یگنیدن درک بیره‌دی. اونگه کوره، افغانستان ده اوشبو قضیه‌لرنی تیکشیره دیگن نهاد یوق و بو گَل تورموش گه چیقریش رقمی بیللی ایمس.
عین‌حالده، سلام‌وطندار بیلن صحبت اوتکزگن بامیان و دایکندی ولایت‌لریده خاتین قیزلر نینگ سابق باشلیغی ذکیه رضایی گه کوره، قانونی یاشنی تولدیرمه‌ی و زوردن تورموش گه چیقریش عامللریدن بیری اقتصادی قیینچیلیک دیر. او نینگ ایشانچی گه کوره، عایله‌لردن بیرقطاری کمبغللیک باعث، قانونی یاشنی تولدیرمه‌گن قیزلرینی ۱۰ و ۲۰ مینگ افغانی عوضی گه ساتیش گه مجبور بولگنلر.
سابق حکومت ده خاتین قیزلر وزیرلیگی نینگ حمایتی مرکزلر باشلیغی نازیه فیضی، قانونی یاشنی تولدیرمه‌گن و زوردن تورموش گه چیقریلیش میزانی کوپهیشینی تصدیقلب ایتیشیچه، توزوم اوزگریشیدن کیین عایله‌لردن بیرقطاری مملکت ده‌گی حاکم وضعیت دن قورقیب و قیزلرینی تورموش گه چیقریش گه مجبور بولگنلر.
بیزلرنینگ توییترده هم تعقیب قیلینگ!
کابل یشاوچیلریدن بیرقطاری، قانونی یاشنی تولدیرمه‌گن‌لر نینگ زوردن تورموش گه چیقریلیشینی تصدیقلب ایتیشلریچه، بیلیم یورت‌لر و مکتب‌لر قیزلر یوزی گه یاپیلیشی بیلن، عایله‌لردن بیرقطاری جمله دن قیزلر نینگ آته_آنه‌سی اولرنی تورموش قوریش گه مجبور قیلیشگن.
شو بیلن بیرگه، اسلام امیرلیگی عدلیه و امر معروف و نهی منکر وزیرلیک‌لری نینگ سوزلاوچیلری، قیزلر نینگ تورموش گه چیقیشی اوچون یاش‌لری حقیده هیچ نرسه دیمه‌ی ایتیشلریچه، قیزلر بالغ بولیشی بیلن توی قیلیش‌لری ممکن.
اسلام امیرلیگی عدلیه وزیرلیگی سوزلاوچیسی عبدالحمید ویاند نینگ سلام‌وطندار گه ایتیشیچه، عیاللر نینگ توی قیلیش قانون_قاعده‌لری اسلام دینی گه ذکر بولگن. اونگه کوره، اسلام امیرلیگی رهبری، خاتین قیزلر نینگ حقوقی اسلام چوکاتیده رعایت ایتیلیش بویروغینی بیرگن.
امرمعروف وزیرلیگی سوزلاوچیسی عاکف مهاجر، قیزلر آره‌سیده قانونی یاشنی تولدیرمه‌گن‌لر نینگ تورموش گه چیقیش میزانی کوپه‌یشی یا کمه‌یشی باره‌سیده هیچ نرسه دیمسه ده اما ایتیشیچه، بو مسئله‌لر اسلام امیرلیگی ییتکچیسی هبت‌الله آخوندزاده نینگ فرمانی اساسیده تیکشیریله‌دی. اونگه کوره، اسلام امیرلیگی رهبری نینگ فرمانی اساسیده، هیچ کیم نینگ قیزلرنی زوردن تورموش قوردیریش گه حقی یوق دیر. مهاجر نینگ ایشانچی گه کوره، قیزلر نینگ بلوغ گه ییتیشیش یاشی فرقلی دیر و بیر قطار قیزلر توقیز یاشرلیگیده بالغ بوله‌دی.
ایتیش کیره‌ک که، مملکت ده سیاسی اوزگریش‌لردن کیین خاتین قیزلر نینگ ایشی و تعلیمی گه ایریم چیکلاولر یره‌تیلگن، بو مسئله اقتصادی زیان گه قوشیمچه، عیاللرنی روحی و اجتماعی قیینچیلیک بیلن روپه‌ره قیلگن.
