قیزلر و عیاللر تعلیمی و ایشی خصوصیده چیکلاو‌لر نینگ یره‌تیلگنی‌دن کیین، اولر آره‌سیده آنلاین ایشلر رواجلنگن. هرات ده قیزلردن قطاری نینگ ایتیشلریچه، بیلیم یورت‌لر گه باریشدن محروم بولگنیلریدن کیین، تورلی‌خیل محصول‌لر نینگ ایشلب چیقریش بیلن آنلاین ساتیش ایشلری گه یوز کیلتیرگنلر که، فیسبوک، تلگرام و اینستاگرام کبی اجتماعی ترماقلر یولی آرقه‌لی، ایشلب چیقرگنلری محصول‌لر نینگ ساتیش گه قویه‌دیلر.
چرمی بیل‌باغ ایلشب چیقره‌دیگن اوچ سینگیل نینگ ایتیشلریچه، توزه‌تگنلری نرسه‌لر نی اجتماعی ترماقلر گه ترقته‌دیلر و آنلاین بویورتمه آلگنلریدن کیین، اونی مشتریلری نینگ اویی‌گچه آلیب باره‌دیلر.
بیزلرنینگ فیسبوک صحیفه‌میزگه باش اورینگ!
هرات ده چرمی بیل‌باغ ایشلب چیقره‌دیگن ایشخانه مسئولی ناهید ناصری نینگ ایتیشیچه، قیزلر یوزیگه بیلیم یورت‌لر ایشیگی نینگ یاپیلگنیدن کیین، روحی قیین‌چیلیک‌لردن اوزاق بولیش اوچون، قول صناعتی اینیقسه چرمی بیل‌باغ ایشلب چیقریش گه یوز کیلتیرگن.
اونینگ کوپه‌یتیریشیچه: «گرچند مکتب گه باره‌دیگنیمیز پیتده هم، قول صناعتی بولیمی‌ده ایش قیله‌ر ایدیک؛ بیراق مذکور ایش یانیده درس و تحصیل گه کوپراق اهمیت بیره‌ر ایدیک و حاضر ایسه علم اورگنیش اوچون هیچ جای یوق، انه شوو سبب اوشبو ایش بیلن نی انجام بیره‌میز.»
کیچه و کوندوز تورلی‌خیل چرمی باغ‌لر نی ایشلب چیقریش بیلن شغللنگن ناهید بیلن سینگیل‌لری نینگ ایتیشلریچه، آنلاین شکلده محصول‌لری نینگ ساتیش بیلن، هم مشتریلری گه انتخاب فرصتی و هم اولرنینگ ایشلری رواجلنیشی اوچون آسایشته‌لیک ایجاد بوله‌دی.
ناهید نینگ ایتیشیچه: «آنلاین بازاری فکرمچه بو عرصه‌ده ایش قیله‌دیگنلر اوچون بیر آسایشته‌لیک دیر؛ اینیقسه عیاللر گه. حاضرگی شرایط‌ده آنلاین روشده قول صناعتی نینگ ایشلب چیقریش‌دن باشقه یخشی یول یوق.»
بیزلرنینگ توییترده هم تعقیب قیلینگ!
ناهید نی یانیده ایشله‌یدیگن زاوش و فاطمه خورسند‌لیک بیلدیریب ایتیشلریچه، سینگیلی بیلن آز بیر مدت‌ده چرمی بیل‌باغ ایشلب چیقریش و آنلاین روشده ساتیش ایشی نی باشلگنلریدن بیری، باشقه عیاللر آرقه‌لی اجتماعی ترماق‌لرده حمایت آستیده قرار تاپگنلر و ایشلری کون اوتیشی بیلن یخشی بولماقده. «جوده‌یم خورسند‌میز و بو رقم هیچ فکر قیلمه‌یدیک. بو آز مدت‌ده ایشی‌میزدن کوپ حمایت بولگن و تشویق بولگن‌میز.»
باشقه بیر تامان‌دن، بازار گه نیازلری بولگن نرسه‌لر نی آلیش اوچون کیله‌گن عیال‌لردن قطاری نینگ ایتیشلریچه، آنلاین ساتیب-آلیش اولر گه آسایشته‌لیک ایجاد قیلیش بیلن، وقت‌لری ضایع بولمه‌سلیگی نینگ آلدی آلینگن.
یگانه رئوفی آنلاین بازاری ایجاد بولگنی‌دن خورسند‌لیک بیلدیریب ایتیشیچه: «اجتماعی ترماق‌لرده یخشی چرمی واسکت‌لر نی کوردیم و کیین ایسه بویردیم. آز بیر مدت‌ده یوباردیلر. مصرفم هم آز بولدی. آنلاین بازار ایجاد بولگنی‌دن جوده‌یم خورسند‌مین.»
هرات ده عیاللر سوداگرلیک و صناعت اتاقی هیئت مدیره رئیسی بهناز سلجوقی نینگ ایتیشیچه، آنلاین ساتیش بولیمی‌ده ایشله‌یدیگن و فعالیت جوازی بولگن عیال‌لردن حمایت قیله‌دیلر. اونگه کوره، اوشبو بولیم‌ده ایشله‌یدیگن ۹۵ فایز عیاللر، جنسلری نی قوشنی مملکت‌لردن وارد قیله‌دیلر.
اونینگ کوپه‌یتیریشیچه: «حاضرگچه عیاللر سوداگرلیک و صناعت اتاقی، آنلاین ساتیش اوچون جوازی بولمه‌گن کیشی‌لر گه مخصوصی برنامه‌‌سی یوق. حضوری بازار‌ده دکانی بولگن عیال‌لردن حمایت قیلگنی‌میز کبی، آنلاین ساتیش گه مصروف بولگن عیال‌لردن هم حمایت قیلیشی‌میز ممکن.»
سونگی ایکی ییل‌ده، عیاللر اینیقسه سوداگر عیاللر آره‌سیده آنلاین ایشی کوپه‌یگن که، مسئوللر گه کوره، کون اوتیشی بیلن مذکور عیاللر سانی کوپه‌یه‌دی.
