عیال حقوقی فعاللریدن بیرقطاری، مملکت تشقی ایشلر وزیرلیگی نینگ سرپرستی امیرخان متقی نینگ آلتینچی صنف دن یوقاری قیز اوقووچیلر یوزی گه مکتب‌لر آچیلیشی گه دایر بیاناتی گه مناسبت بیلدیریب ایتیشلریچه، اسلام امیرلیگی منطقه‌وی ییغیلیش‌لرده اوشبو سوزلری بیلن دنیا همجمعیت تامانیدن تن آلینیشی مقصدیده سعی‌وحرکت قیلماقده و آلتینچی صنف دن یوقاری قیز اوقووچیلر یوزی گه مکتب‌لر آچیلیشی ممکن‌سیز دیر.
عیال حقوقی فعالی سیما سادات نینگ سلام‌وطندار گه ایتیشیچه، اسلام امیرلیگی دنیا جماعه‌چیلیگی تامانیدن تن آلینیشی اوچون خاتین قیزلر نینگ ایش و تعلیمینی سیاسی قیلگن. او نینگ کوپه‌یتیریشیچه: «بولر [اسلام امیرلیگی رسمی‌لری] نینگ مقصدی افغانستان ده‌گی قیز اوقووچیلر مکتب و بیلیم یورت گه باریب یا ده بارمسلیک ایمس. بولر یالغیز اوز غایه‌لری گه ایریشیش اوچون قیزلردن وسیله اوله‌راق قوللنماقده.»
بیزلرنینگ فیسبوک صحیفه‌میزگه باش اورینگ!
عیال حقوقی فعاللریدن باشقه بیری حسنا روفی، مکتب‌لر و بیلیم یورت‌لر قیز اوقووچیلر یوزی گه آچیلیشیدن ناامیدلیک بیلدیریب ایتیشیچه، اسلام امیرلیگی قیز اوقووچیلر نینگ تعلیمی اوچون هیچ برنامه‌لری یوق و قیزلر نینگ مکتب‌لری آچیلمه‌یدی. «انیق قانون بولمسه و بو تاریخ‌لر آرتگه قالیشنی ایستسه‌لر، باشقه بهانه‌لرنی قیلیشه‌دی، یشاوچیلر حاضرگی حکومت دن کوینی قالمسلیک اوچون اولر مکتب و بیلیم یورت‌لر آچیله‌دی دیب بهانه قیله‌دیلر.»
دوشنبه کونی، ۱۸ ثور، مملکت تشقی ایشلر وزیرلیگی نینگ سرپرستی امیرخان متقی، پاکستان مرکزی اسلام‌آباد ده استراتیژیک تدقیقات مرکزی ده نطق سوزلب ایتیشیچه، اسلام امیرلیگی قیزلر نینگ تعلیمینی حرام دیمه‌یدی و اولرنی کیینگی امرگچه مکتب باریش‌لرینی تقیق‌له‌گن.
اسلام امیرلیگی ۱۴۰۰_ییل ۲۴ اسد ده افغانستان بویلب حاکمیت نی آلگندن کیین، آلتینچی صنف دن یوقاری قیز اوقووچیلر نینگ مکتب باریشی گه توسیق بولدی.
قریب ایکی ییل دن بویان اوقووچیلر و خاتین قیزلر و عیال حقوقی فعاللریدن بیرقطاری ناراضی‌لیک همایش‌لر اوتکزیب و مملکت بویلب آلتینچی صنف دن یوقاری قیز اوقووچیلر یوزی گه مکتب‌لر آچیلیشینی طلب قیلگنلر، بیراق اسلام امیرلیگی حاضرگچه اولر نینگ ایسته‌گیگه ایجابی جواب قیتیرمه‌گن.
تعلیمی_تحصیلی مکان‌لردن عیاللر حذف ایتیلیشی دوام ایتر ایکن، اسلام امیرلیگی عالی اوقوو وزیرلیگی، اوتگن ییلی یاز موسومی ده مملکت بویلب دولتی و خصوصی بیلیم یورت‌لرده طلبه قیزلر نینگ تحصیلینی تقیق‌له‌دی.
بیزلرنینگ توییترده هم تعقیب قیلینگ!
جمعیت شناس‌لردن بیرقطاری نینگ ایشانچی گه کوره، قیزلر نینگ تعلیمی و تحصیلی تقیق‌لنیش قراری یامان عاقبت‌لر گه سبب بولیشی ممکن.
جمعیت شناس‌لردن قربان‌علی فکرت گه کوره، جمعیت ده اوزینی اولدیریش و افسرده‌لیک میزانی کوپه‌یشی، قیزلر نینگ تعلیم و تحصیلی تقیق‌لنیش سلبی عاقبت‌لریدن سنله‌دی.
دنیا همجمعیت همه شمول حکومت شکللنیشی گه علاوه، انسان حقلری اینیقسه خاتین قیزلر نینگ ایش و تعلیمی کبی حقوق‌لری رعایت ایتیلیشینی اسلام امیرلیگی نینگ تن آلینیش شرط‌لری اوله‌راق قرار بیرگن، بیراق اسلام امیرلیگی حاضرگچه بو ایستک‌لر گه باش ایگمه‌گن.