بوگون (چهارشنبه، ۱۳-ثور) خلق‌ارا ییتکیرمه‌لر ایرکین‌لیک کونی گه ماس دیر. معلومات و مدنیت وزیرلیگی بوگون حکومت معلومات و میدیالر مرکزی‌ده بیر برنامه یولگه قوییش بیلن، خلق‌ارا ییتکیرمه‌لر ایرکین‌لیک کونیدن نشانلگن. مذکور وزیرلیک مسئوللری اوشبو برنامه‌ده خبرچیلر گه میدیالر فعالیتی برابریده‌گی قیینچیلیکلر نینگ حل بولیشی خصوصیده ایشانچ بیرگنلر.
معلومات و مدنیت وزیرلیگی نینگ فرهنگ و هنر معینی عتیق‌الله عزیزی، اسلامی ارزش‌لر اساسیده، میدیالر فعالیتی گه تاکید قیلیب و ایتیشیچه: «بیزلر بیلن قوشیلینگ، قیینچیلیکلر حلی اوچون سعی و حرکت قیله‌میز. قیینچیلیکلر هم حل بوله‌دی. برچه‌میز اوشبو توزوم نینگ یخشی‌لنیشی اوچون سعی و حرکت قیلیشی‌میز کیره‌ک.»
بیزلرنینگ فیسبوک صحیفه‌میزگه باش اورینگ!
لیکن اوشبو برنامه گه شرکت قیلووچیلر اسلام امیر‌لیگی مسئوللریدن، میدیالر فعالیتی و خبرچیلر ایشی برابریده‌گی قیینچیلیکلر نینگ حل قیلینیشی نی ایسته‌گنلر.
«موبی گروپ» رئیسی محمد‌نعیم سروری نینگ ایتیشیچه، سوز ایرکین‌لیگی نینگ حقیقی شکلده عملی بولیشی کیره‌ک. اونینگ کوپه‌یتیریشیچه: «سوز ایرکین‌لیگی نی حقیقی بیر شکلده عمل گه آشیریشی‌میز و مجلس‌لرده ییتکیرمه‌لر ایرکین‌لیگی‌میز بولیشی کیره‌ک. لیکن بویوک بیر سانسور وضع بولگن که، اونینگ اساسیده میدیالر ایش‌لری نی درست بیر شکلده انجام بیره آلمه‌یدیلر.»
شونینگدیک ایرکین خبرچیلر بیرلشمه‌سی رئیسی حجت‌الله مجددی نینگ ایتیشیچه: «حکومت نینگ باشلنگنی‌دن حاضرگچه، میدیالر قانونی و معلومات گه قول تاپیش قانونی نی کوتیب تورگن‌میز. شفاهی شکلده بویروغ‌لر بار، بیراق قانون‌لر یازیلگن بیر شکلده بولمه‌گنی صورت‌ده، میدیالر قیسی یول گه کیتیش‌لری قیین دیر.»
عین حالده، افغانستان ده معلومات ییتکزیش و خبر‌چیلیک ایشی، معلومات گه قول تاپه‌آلمه‌یش کبی کوپینچه قیینچیلیکلر بیلن روپهره دیر.
بیزلرنینگ توییترده هم تعقیب قیلینگ!
شونده‌ی بیرحالده، خبرچیلردن قطاری نینگ ایتیش‌لریچه، اوشبو وضعیت نینگ دوام تاپگنی صورت‌ده، سوز ایرکین‌لیگی و میدیالر فعالیتی نینگ کیله‌جگی خواطرلر بیلن روپهره دیر.
کابل ده خبرچیلردن سیدمهدی حسینی نینگ ایتیشیچه: «حاضرگچه میدیالر برابریده چیکلاو‌لر دوام تاپماقده، بو وضعیت نینگ دوام تاپگنی صورت‌ده، افغانستان ده سوز ایرکین‌لیگی و ایرکین میدیالر اسمی‌ده هیچ نرسه نینگ قالمه‌یشی خصوصیده خواطرده‌میز.»
نیچه آیدن بیری اسلام امیر‌لیگی تامانیدن معلومات گه قول تاپیش و میدیالر تخطی کمیسیون‌لر فعالیت‌لری قیته‌دن باشلنگن؛ بیراق حاضرگچه اوشبو کمیسیون‌لر خبرچیلر برابریده‌گی موجود قیینچیلیکلر نی اورته‌دن کیتکزیلیشی خصوصیده هیچ قنده‌ی سیزیلرلی یوتوق‌لر نی قولگه کیلتیره آلمه‌گنلر.