مملکت تشقی ایشلر وزیرلیگی نینگ ایتیشیچه، تشقی ایشلر وزیری محمدحنیف اتمر، بیر هیأت ییتکچیلیگیده بوگون هند کیتگن.
بوگون (دوشنبه ۲- حمل) مذکور وزیرلیک تامانیدن نشر قیلینگن بیر خبرنامه‌ده کیلیشیچه، جناب اتمر مذکور سفر ده ایکی تامان علاقه‌لری کینگه‌یشی، افغانستان تینچلیگی توغریسیده منطقوی و خلق‌ارا اجماع کوچله‌نیشی، ریجه‌لنگن جرم‌لر و ترورچیلیککه قرشی قوشمه کوره‌ش خصوصیده بحث و صحبت اوتکزیش‌لری ممکن.
جناب اتمر اوشبو اوچ کونلیک سفر جریانیده، مذکور مملکت تشقی ایشلر وزیری اس‌جی شنکر، ملی خوفسیزلیک مصلحتچیسی اجیت دوال و شونینگدیک باشقه قطار بلند مرتبه‌لی رسمی‌لر بیلن اوچره‌شیشی ممکن.
عین حالده، جناب اتمر هند ده افغانستان ایلچی‌خانه‌سی دیپلومات‌لری، طلبه‌لر، سوداگرلر، هنود قوم نماینده‌لری و شونینگدیک افغانستان مهاجرلریدن قطاری بیلن اوچره‌شیشی ممکن.
مملکت تشقی ایشلر وزیری هند کیتگن بیرحالده، جاری میلادی ییل ادغی گه قدر افغانستان تینچلیگی بوییچه بیرلشگن ملتلر تشکیلاتی نینگ باش کاتبی میزبانلیگیده، تأثیرچن مملکتلر وزیرلری نینگ ییغینی یولگه قوییلیشی گه قرار قیلینگن. شونینگدیک اپریل آیی ده ترکیه میزبانلیگیده باشقه بیر ییغین یولگه قوییلیشی ممکن.