افغانستان فوتسال ملی تیرمه جماعهسی، فوتسال بوییچه ۲۰۲۶ آسیا ملتلر کپی باشلنغیچ مسابقهلریده، میانمارنی ۸:۰ حسابی بیلن مغلوب قیلگن.
اوشبو بیللشوو، بوگون توشدن آلدین (۲-میزان، چهارشنبه)، میانمارنینگ یانگون شهریده اوتکزیلگن.
مذکور بیللشووده افغانستان فوتسال ملی تیرمه جماعهسیدن، رضا حسینپور، عباس حیدری، اکبر کاظمی، حمیدرضا حسینی، محمد مرادی، سیدحسین موسوی و علی امیری گل اورگن.
افغانستان فوتسال تیرمه جماعهسی، بیرینچی اویینده مالدیف جماعهسینی ۱۰:۱ حسابی بیلن مغلوب قیلگن. بو غلبه بیلن افغانستان فوتسال ملی تیرمه جماعهسی آسیا ملتلر کپیگه یول تاپگن.
