ایران تشقی ایشلر وزیری سیدعباس عراقچینینگ اعلام قیلیشیچه، تهران و واشینگتن آرهسیدهگی کیلیشوونینگ بیرینچی عملی سیناوی لبنان ده کیسکینلیکنینگ کمهیتیریش تیزیمینی عملگه آشیریش دیر.
عراقچینینگ بوگون ایرتهلب (۱-سرطان/ ۲۲-جون، یکشنبه)، اکس صحیفهسیده یازیشیچه، پاکستان و قطرنینگ واسطهچیلیگی، لبنان ده اوروش یکونلنیشی اوچون سیزیلرلی یوتوققه سبب بولگن.
ایران تشقی ایشلر وزیرینینگ کوپهیتیریشیچه، مذکور جریان نتیجهسی اساسیده ایراننینگ نفت و پتروشیمی محصوللری صادراتی چیکلاولردن آزاد قیلینگن، محاصره بیکار ایتیلگن، موزلنگن سرمایهلرنینگ بیر قسمی آزاد بولیب و ایران اوچون ییریک مقیاسدهگی رواجلنتیریش دستوری باشلنگن.
اونینگ اورغولشیچه، ایران و امریکا آرهسیدهگی کیلیشوونینگ بیرینچی حقیقی سیناوی لبنان ده کیسکینلیکنی کمهیتیریش همده توقنشوولرنینگ آلدینی آلیش ترتیبی آرقهلی عملگه آشهدی.
مذکور بیانات، ایران و امریکا وکیللری سویس ده مذاکرهلرینینگ بیرینچی باسقیچینی یکونلشلری بیرحالده، بیان بولگن
