دوحه شهریده عرب و اسلام دولتلری باشلیغلری اوتکزگن ییغیلیشلریده، اسرائیلنینگ قطر پایتختیده حماس رهبرلریگه هجومینی قارهلهدی؛ بیراق اشتراکچیلر عملی چارهلر کوریش بوییچه هېچ قندهی وعده بیرمهدیلر.
ییغیلیشنینگ اېنگ مهم نتیجهسی، خلیج فارس همکارلیک کېنگشینینگ «قوشمه مدافعه میکانیزمی»نی فعاللشتیریش مجبوریتی دیر؛ بو قرار منطقهوی توسقینلیک کوچینی مستحکملش مقصدیده قبول قیلیندی.
اوشبو ییغیلیشده قطر امیری تمیم بن حمد آل ثانی، اسرائیل هجومینی «خائنانه» دیب و تلآویو تینچلیک مذاکرهلرینی برباد قیلیش مقصدیده واسطهچیلرنی نشانگه آلهیاتگنی حقیده آگاهلنتیردی. شونینگدیک او، اسرائیلنینگ لبنان، سوریه و یمندهگی سیاستینی خوفلی خیالپرستلیک دیب اتهدی.
قطر امیری اسرائیل دولتینینگ کوچلی بولیش، کبر و قان توکیشگه چنقاقلیگی همده اونینگ دایمی عاقبتلریگه قرشی انیق و سیزیلرلی چارهلر کوریشگه چقیردی.
دوحه ییغیلیشی اسرائیل گه قرشی عملی اقتصادی یا که سیاسی قرارلر قبول قیلمهگن بولسهده، تورکیه، پاکستان، مالزیا و ایران کبی بیرقطار دولتلر اسرائیلنی بایکات قیلیش، دیپلماتیک علاقهلرنی اوزیش و حتا بیرلشگن ملتلر تشکیلاتی اعضالیگینی توختهتیب توریشنی طلب قیلدیلر.
همکارلیک کینگشی باش کاتبی جاسم البدیوی، امریکادن اسرائیلنینگ «باسیملرینی» توختهتیش اوچون اوز تأثیریدن فایدهلنیشنی سورهدی.
دوحه ییغیلیشی، اسرائیل گه قرشی هېچ قندهی درحال سیاسی یا که اقتصادی چارهلرنی اعلان قیلمهدی.
اوشبو ییغیلیش، ۹-سپتامبر کونی دوحهده حماس رهبرلریگه اسرائیل تامانیدن اویوشتیریلگن هجوم آرتیدن یوزهگه کیلگن منطقهوی غضب تولقینیدن کېین اوتکزیلدی.
