قطر ده افغانستان اوچون امریکا شارژدافیری کرن دیکر نینگ ایتیشیچه، امریکا قوشمه ایالت‌لری نینگ افغانستان گه حربی ارلشوو احتمالی یوق دیر.
او اوتگن کیچه (چهارشنبه، ۱۳ میزان) خبرچی‌لر بیلن آنلاین صحبتیده، امریکا نینگ افغانستان گه حربی اره‌لشوو احتمالی یوق‌لیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
امریکا شارژدافیری گه کوره، اسلامی امارت بیرگن وعده‌لری اینیقسه خاتین قیزلر حقوقی و انسان حقلری گه حرمت قیلیش اوچون، دیپلوماتیک و سیاسی سعی و حرکت‌لری گه دوام بیره‌دی.
کرن دیکر افغانستان نینگ حاضرگی وضعیتیدن خواطر بیلدیریب، کابل شهری ده‌گی سونگی هجوم‌لر اینیقسه کاج تعلیمی مرکزی نشانگه آلینیشینی قاره‌لب و اسلامی امارت، خوفسیزلیک برقرار ایتیلیشی اوچون بیرگن وعده‌لری گه عمل قیلیش‌لری اوستیگه تأکید ایتگن.
بیزلرنینگ توییترده هم تعقیب قیلینگ!
ایتیش کیره‌ک که، اوتگن بیر هفته ایچیده کابل نیچه قانلی واقعه گواهی ایدی. جمعه کون ۸ میزان، کاج تعلیمی مرکزی گه اویوشتیریلگن خودکش هجوم عاقبتیده ۵۳ کیشی هلاک بولیب و باشقه ۱۱۰ کیشی یره‌لندی و شونینگدیک اوتگن کون (چهارشنبه، ۱۳ میزان) ایچکی ایشلر وزیرلیگی یقینیده‌گی بیر مسجد ده اویوشتیریلگن پارتلش ده، ۲۹ کیشی اولیب و یره‌لنیشیگه سبب بولدی.
