تخار ولایتیده ۸ ترقیاتی لایحه جملهدن ماورای کوکچه سرکلرینینگ اسفالت قیلیش بودجهسی تصدیقلنگن. تخار حاکمیتی مطبوعات ادارهسی، ۲۶-سرطان، پنجشنبه کونی بیر بیانیه ترقهتیب بو حقده خبر بیرگن.
بیانیه اساسیده، تخار ولایتیده ترقیاتی سکیز لایحه بودجهسی بیر میلیارد ۴۱۴ میلیون ۴۷۲ مینگ ۹۶ افغانی عوضیگه تصدیقلنگن.
بیزلرنینگ «ایکس» ترماغی ده هم تعقیب قیلینگ!
بیانیه گه کوره، اوشبو ترقیاتی لایحهلر پاسپورت مدیریتی بناسینی قوریش، خواجهغار-دشتارچی سرکی، تخار-پنجشیر سرکی همده خواجهغار-دشتقلعه آرهسیدهگی سرکنینگ بیرینچی لاتی اسفالت قیلینیشی، دشتقلعه-خواجه بهاوالدین سرکی ایکینچی لاتی اسفالت قیلینیش ایشلرینی توگهتیش، خواجه بهاوالدین-ینگیقلعه سرکی ایکینچی لاتی اسفالت قیلیش ایشینی بیتّیریش، ینگیقلعه-چاهآب سرکی اسفالت قیلیش تورتینچی لاتینی توگهتیش و شونینگدیک اوشبو ولایت بیلیم یورتی مسجدی قوریلیشی شامل دیر.
بوندن آلدین هم، تخار ماورای کوکچه اولسواللیکلریده برق یېتکزیش لایحهنینگ تخنیکی ایشلری تېکشیریلیشی باشلنگنی اېتیلگن اېدی.
بیزلرنینگ فیسبوک صحیفهمیزگه باش اورینگ!
تخار ماورای کوکچه اینیقسه دشتقلعه، رستاق، خواجه بهاوالدین، ینگیقلعه، چاهآب و درقد اولسواللیکلری خلقی، هردایم عمومی سرکلر بوزوقلیگی و برقلری یوقلیگیدن شکایت قیلیب کېلگنلر.
