بیرلشگن ملت‌لر تشکیلاتی نینگ باش کاتبی، اوتگن کونی –دو‌شنبه، ۲۸ قوس، اوشبو تشکیلات نینگ ییل‌لیک مطبوعاتی ییغیلیشیده افغانستان وضعیتی گه دایر سوزلری دوامیده، اسلام امیرلیگیدن افغانستان توپراغیدن پاکستان و منطقه مملکت‌لر گه قرشی هجوم‌لر آلدی آلینیشینی طلب قیلگن.
شونینگدیک او، همه شمول حکومت شکللنیشی و انسان حقلری اینیقسه خاتین قیزلر گه ایش و تعلیم حقی بیریلیشی اوستیگه تأکید ایتگن.
عین‌حالده، اسلام امیرلیگی سوزلاوچیسی نینگ اورین باسرلریدن بلال کریمی گه کوره، افغانستان حکومتی همه شمول دیر و اوشبو حکومتده برچه قوم‌لردن نماینده بار. شونینگدیک اونینگ کوپه‌یتیریشیچه، اسلام امیرلیگی هیچ بیر ترورچی گروه گه، افغانستان توپراغیدن قوشنی و منطقه مملکت‌لر گه تهدید بولیش رخصتینی بیرمه‌یدی.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «اسلام امیرلیگی همه شمول دیر برچه ولایت‌لر نینگ نماینده‌لری بو حکومت ده کوریله‌دی. اسلام امیرلیگی هیچ بیر مملکت بیلن تارتیشوونی ایستمه‌یدی. انسان حقلری و خاتین‌لر حقوقی، اسلام قاعده‌لری اساسیده تأمینلنگن.»
سیاسی ایش بیلرمان داوود طنین گه کوره، بیرلشگن ملت‌لر تشکیلاتی افغانستانده‌گی اوزگریش‌لر و واقعیت‌لردن خواطر ده دیر و اسلام امیرلیگی بوتوغریده دقت قیلیشی کیره‌ک.
جناب طنین نینگ کوپه‌یتیریشیچه: «بیرلشگن ملت‌لر تشکیلاتی افغانستانده‌گی واقعیت‌لردن خواطر بیلدیره‌دی و دنیا همجمعیت نینگ کوپ سانده خواهش_ایسته‌گی افغانستان خلقی نینگ ایسته‌گی دیر و اسلام امیرلیگی بوتوغریده دقت قیلیشی کیره‌ک.»
اسلام امیرلیگی افغانستان بویلب حاکمیت نی قولگه آلگنیدن بیر ییل دن کوپ اوتسه ده؛ لیکن حاضرگچه منطقه و دنیا مملکت‌لری تامانیدن تن آلینمه‌گن؛ ایش بیلرمان‌لر نینگ ایشانچی گه کوره، همه شمول حکومت شکللنمسلیگی و اوشبو مملکتده انسان حقلری رعایت ایتیلمسلیگی، تن آلینمسلیک اساسی عامل‌لریدن سنله‌دی.
بیزلرنینگ توییترده هم تعقیب قیلینگ!
عین‌حالده، خلق‌ارا مناسبت‌لر تدقیقاتچیسی همت بصیری، مملکت نینگ حاضرگی احوالی دن خواطر بیلدیریب ایتیشیچه، منطقه اولکه‌لر افغانستانده ده دینی رادیکالیزم شکللنیب و اولر اوچون تهدید بولیشیدن خواطرده‌لر. اونگه کوره: «منطقه و دنیا مملکت‌لری، افغانستانده‌گی وضعیتدن خواطرده دیر، اسلام امیرلیگی دنیا همجمعیت نینگ خواست‌لرینی تأمین قیلگن حالده، اولر نینگ خلق‌ارا تن آلینیش یولی آچیله‌دی.»
ایتیش کیره‌ک که، دنیا همجمعیت اسلام امیرلیگی دن، همه شمول حکومت شکللنیشی، انسان حقلری اینیقسه خاتین‌لر نینگ حقوقی تأمین ایتیلیشی و شونینگدیک افغانستانده ترورچی گروه‌لر نینگ یوق‌لیگیگه دایر اسلام امیرلیگی تامانیدن کفالت بیریلیشینی سوره‌یدی.
