هرات ولایتیده بوگون (سه‌شنبه، ۹-جوزا)، افغان عیال‌لردن حمایت قیلووچی بیر نهاد تامانیدن «نمای هریوا» اسمی آستیده، عیاللر نی تشویق قیلیش مقصد بیر کورگزمه یولگه قوییلگن.
ایکی کون‌گچه دوام قیله‌دیگن اوشبو کورگزمه‌ده، قالین، عنعنوی کییم‌لر، تقینچاق‌لر، قیمت بها و یریم قیمت بها تاش‌لر، تزئینی ایدیش‌لر، عیاللر قول صناعتی و نقاش‌لیک تابلو‌لر اون غرفه‌ده عیاللر آرقه‌لی نمایش گه قوییلگن.
بیزلرنینگ فیسبوک صحیفه‌میزگه باش اورینگ!
افغان عیال‌لردن حمایت قیلووچی نهاد رئیسی سوسن کاظمی نینگ ایتیشیچه: «بو ییرده‌گی نرسه‌لردن کوپینچه‌سی عیاللر نینگ قول صناعتی دیر. تشقی گه هم صادراتی‌میز بار ایدی و شونینگدیک بوگون بازار ده خارج‌دن کیلگن دوست‌لریمیز بار ایدی که سفارش بیردیلر و کوپینچه مشتری جذب قیله آلدیک.»
شونده‌ی بیرحالده، مملکت نینگ غرب حوزه‌سیده عیاللر سوداگرلیک اتاقی مسئولی، بو کبی کورگزمه‌لر نینگ یولگه قوییلیشی نی ایچکی تولید‌لر اوچون بازار تاپیش و ایش زمینه‌سی یره‌تیلیشی خصوصیده فایده‌لی عنوان قیلگن.
اوشبو اتاق رئیسی ادیبا وزیر نینگ ایتیشیچه، حاضر ایسه غرب حوزه‌سیده‌گی عیاللر اینگ یخشی قول صناعت‌لری نی تولید قیله‌دیلر. اونینگ کوپه‌یتیریشیچه: «کورگزمه‌لر ایشچی عیاللر آره‌سیده رابطه‌لر نی ایجاد قیله‌دی و عیاللر تولید‌لری نینگ نمایش گه قوییلیشی گه سبب بوله‌دی. انه شوو رقم، مشتری تاپیلیب و اوزلری تیار قیلگن نرسه‌لری اوچون بازار تاپه‌دیلر.»
باشقه بیر تامان‌دن، مذکور کورگزمه گه شرکت قیلگنلردن قطاری، خورسند‌لیک بیلدیریب و ایتیش‌لریچه، سونگی کون‌لرده قول صناعتی ایشلب چیقارلیشی و ساتیلیشی کوپه‌یگن دیر.
بیزلرنینگ توییترده هم تعقیب قیلینگ!
مذکور کورگزمه گه شرکت قیلگن هرات شهری یشاوچیسی ماریا ارباب‌زاده نینگ ایتیشیچه: «تورلی‌خیل نرسه و اثر نی نمایش گه قویدیک که بو رقم حمایت بولسین و شونینگدیک مملکت‌دن تشقی‌ده هم اثرلریمیز نمایش گه قوییلسین که، هرات ولایتی‌ده‌گی عیاللر نینگ استعدادی کوریلسین.»
عین حالده، «نمای هریوا» کورگزمه‌سی گه شرکت قیلگنلردن باشقه بیری سمیرا فیضی نینگ ایتیشیچه، بو کبی کورگزمه‌لر نینگ یولگه قوییلیشی عیاللر اینیقسه تعلیم و ایش‌دن اوزاق قالیب اوی‌ده قالگن عیاللر اوچون یخشی بیر فرصت دیر.
اوتگن ایکی ییل‌ده، عیال‌لردن کوپ قطاری اداری، تعلیمی-تحصیلی نهاد‌لر و اجتماعی فعالیت‌لردن اوزاق بولیب و قول صناعتی گه یوز کیلتیرگنلر که، سونگی هفته‌لرده قول صناعتی کورگزمه‌لری یولگه قوییلیشی هم کوپه‌یگن دیر.
