کابل ده بیر عیال شخصی پولی بیلن، سرپرست‌سیز ۱۵ عیال نی ایش بیلن تأمینله‌گن. کابل شهری خیرخانه منطقه‌سیده ییر آستیده «مینه» شیرینی سرای دکانی، عیاللر گه یره‌تیلگن چیکلاولر باعث، یشش اوی ده روحی و باشقه کسل‌لیککه چلینمسلیک و عایله اعضالری نینگ نفقه‌سینی تأمینلش مقصدیده اولرنی ایش بیلن تأمینله‌گن. اوشبو عیاللر موجود قیینچیلیکلر باعث هر کونی ۱۰ ساعت ایشلب و تیارله‌گن تاتلی «قتلمه» لرینی مشتری‌لری گه ساتیش بیلن مصروف دیر.
آلتی آی آلدین مینه شیرین‌لیک دوکانی نی دست‌لبکی امکانیت بیلن ایجاد قیلگن فروزان کوهستانی نینگ ایتیشیچه، مذکور سرپرست‌سیز عیاللر نینگ خورسند قیلیش و اولر گه یاردم بیریش اوچون، اوشبو شیرین‌لیک دوکانی نی ایجاد قیلگن. اونینگ کوپه‌یتیریشیچه: «بو ییر نی آلگنیم‌دن آلتی آی بوله‌دی و حاضرگچه تعلیم و ایش‌دن محروم بولیب و اقتصادی قیینچیلیکلر بیلن روپه‌ره بولگن ۱۵ عیال و قیز گه ایش زمینه‌سی نی یره‌تدیم. بوندن آلدین کونده ۱۵دن ۱۰۰ کیلوگرام‌گچه فرمایش‌لر بار ایدی؛ بیراق حاضر یسه هییت نینگ یقین‌لنیشی بیلن، ۵۰۰۰ کیلوگرام فرمایش آلگن‌میز.»
بیزلرنینگ فیسبوک صحیفه‌میزگه باش اورینگ!
شونینگدیک بانو کوهستانی، اوشبو ایش‌خانه‌ده موجود بولگن قیینچیلیکلر نی بیلن قیلیش بیلن، قیینچیلیکلر حلی و عیاللر نینگ کوچلنتیریلیشی اوچون اولردن حمایت بولینیشی نی سوره‌گن. «ماشین‌لر خصوصیده قیین‌چی‌لیگیمیز بار که، بوتون ماشین‌لر ساده دیر و باشقه ماشین‌لردن آلیش گه کوچی‌میز ییتیشمه‌یدی. بو خصوصیده بیزلر بیلن همکارلیک قیلیش‌لری نی ایستهیمیز.»
شونده‌ی بیرحالده، مذکور شیرین‌لیک دوکانی‌ده ایشله‌یدیگن قیزلر و عیاللر، ایش زمینه‌سی یره‌تیلگنی‌دن خورسند‌لیک بیلدیرگنلر. اوشبو ییرده ایشله‌یدیگن‌لردن ۱۸ یاشر محموده نینگ ایتیشیچه، ۱۱ کیشی‌لیک عایله سرپرستی دیر و بو ییرده ایشلمه‌دن آلدین روحی و اقتصادی قیینچیلیکلر بیلن روپه‌ره ایکن. اونگه کوره، بیراق اوشبو یره‌تیلگن زمینه اونینگ قیین‌چیلیک‌لری نی کمه‌یتیرگن.
اونینگ ایتیشیچه: «اسلام امیر‌لیگی مکتب‌لر نی یاپگنی‌دن بیری، امیدی‌میز نی قولدن بیرگن ایدیک. اوی‌ده قیین‌چیلیک‌لریمیز جوده‌یم کوپه‌یگن ایدی. بیر نان نی تورت یا-ده بیش توته قیلگنی‌میز پیت هم بار ایدی. مین یالغیز اوزیم اوی سرپرستی‌مین. بو ایش تیلنچی‌لیک قیلیش‌دن یخشی که انسان اوز قولی بیلن درآمد قولگه کیلیتیره‌دی.»
شونینگدیک، ۴ کیشی‌لیک عایله سرپرستی بولمیش مارینا نینگ ایتیشیچه، مذکور ایشخانه ده ایشلش او و اوچ باله‌سی نینگ یالغیز امیدی دیر و فرزندلری نینگ نفقه‌سینی اوشبو یول آرقه‌لی تأمینله‌یدی. اونینگ کوپه‌یتیریشیچه: «آلتی آی‌دن بیری بو ییرده ایشله‌یدی. خداوند بولر گه خیر نصیب قیلسین که، بیزلر گه ایش زمینه‌سی نی یره‌تدیلر. سرپرست‌سیز بیر عیال‌مین، اوچ باله‌م بار و شو یول آرقه‌لی درآمد قولگه کیلتیره‌من. نان کیلتیره‌دیگن بیر ایرکک بولمه‌گنی پیتده، حیات جوده‌یم قیین بوله‌دی. ایشی‌میز‌دن رضایتی‌میز بار. کوپینچه عیال نینگ ایشله‌یشی اوچون بو ایشخانه نینگ بویوک بولیشی نی ایستهیمیز.»
عین‌حالده، اسلام امیر‌لیگی نینگ قدرت گه ایریشگنیدن کیین، خاتین قیزلر نینگ ایش و تعلیمی گه یره‌تیلگن چیکلاولر باعث، عیاللردن قطاری بو گَل ایشخانه‌لرنی ایجاد ایتیب، سرپرست‌سیز و محتاج عیاللرنی قوللب_قوتلش و اولرنی ایش بیلن تأمینلش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
