تشقی ایشلر وزیرلیگی سرپرستی امیرخان متقی، اوتگن کون «فرمت مسکو» ییغینی گه شرکت قیلیش اوچون روسیه گه سفر قیلگن.
تشقی ایشلر وزیرلیگی سوزلاچیسی نینگ اورین‌باسری ضیااحمد تکل، اوتگن کون (دوشنبه، ۳-میزان)، «ایکس» صحیفه‌سیده، امیرخان متقی نینگ مسکو فرمت ییغینی گه شرکت قیلیش اوچون روسیه دعوتی گه بنا، مذکور مملکت گه کیتگنی نی یازگن دیر.
بیزلرنینگ فیسبوک صحیفه‌میزگه باش اورینگ!
کابل ده روسیه ایلچیسی دیمیتری ژیرنوف، ایکی آی آلدین متقی بیلن اوچره‌شگنی‌ده، اونینگ مسکو فرمت ییغینی گه شرکت قیلیش اوچون دعوت قیلگن ایدی.
شونینگدیک تشقی ایشلر وزیرلیگی سوزلاوچیسی نینگ اوری‌باسری، امیرخان متقی نینگ ایکی کون مسکو ده قالیشی و اوندن کیین تاتارستان پایتختی کازان گه کیتیشی نی یازگن.
اونینگ یازیشیچه: «مسکو فرمت ییغینی گه شرگت قیلیش اوچون روسیه فدراسیونی نینگ رسمی دعوتی گه بنا، امیرخان متقی باشچیلیگی‌ده بیر هیئت، مذکور مملکت گه کیتدی. افغانستان هیئتی ایکی کون مسکو ده قالیب و کیین ایسه تاتارستان جمهور‌لیک مرکزی کازان گه کیته‌دی که، مسکو فرمت ییغین جاری ییل ۲۹-سپتمبر یولگه قوییله‌دی.»
بیزلرنینگ «ایکس» ترماغی ده هم تعقیب قیلینگ!
افغانستان وضعیتی خصوصیده «مسکو فرمتی» مصلحتی جلسه‌لر پروسه‌سی، ۲۰۱۷-ییل ده باشلنگن. اوشبو ییغین‌ده چین، هندوستان، پاکستان، ایران، اوزبیکستان، تاجیکستان، ترکمنستان و قزاقستان ییریک رسمی‌لری نینگ حضوری بار.
مسکو فرمت ییغینی، اوتگن ییل اسلام امیرلیگی نماینده‌سی نینگ حضوری بولمه‌سدن یولگه قوییلدی؛ بیراق ۲۰۲۱-ییل‌ده مذکور ییغین‌ده اسلام امیرلیگی نمانیده‌سی نینگ حضوری بار ایدی.
