اسلامی امارت تشقی ایشلر وزیرلیگی نینگ سوزلاوچیسی عبدالقهار بلخی توییتری‌ده یازیشیچه، بریتانیا نینگ افغانستان و پاکستان اوچون مخصوص نماینده‌سی نایجل کیسی و همراه هیاتی اوتکن کونی اسلامی امارت تشقی ایشلر وزیرلیگی نینگ سرپرستی امیرخان متقی بیلن اسلو شهری‌ده اوچره‌شکن.
بلخی کیسی جناب لریدن نقل قیلیب یازیشیچه: «بیز ینگی باسقیچ‌گه کیرگن میز، افغانستان‌گه انسان پرورلیک یاردم بیرگن میز و حاضر خلق‌ارا بانکی بیلن ساغلیک، معارف و معاش‌لر توللنیشی‌گه همکارلیک قیلیش اوچون مذاکره قیلماقده میز.»
تشقی ایشلر وزیرلیگی نینگ سوزلاوچیسی‌گه کوره، امیرخان متقی بریتانیا نینگ افغانستان‌گه قیلگن یاردم‌لریدن منتدارلیک بیلدیریب و امنیت‌گه دایر ایشانچ بیلدیرگن. متقی نینگ اورغولشیچه، ینگی حکومت افغانستان فقرالری نینگ قیینچیلیکلرینی قولی‌لیک بیلن ییچیش مقصدیده سیاسی ینگی باسقیچ، همکارلیک یولی بیلن آلغه باریلیشی لازم.
بیزلرنینگ فیسبوک صحیفه‌میزگه باش اورینگ!
عین‌حالده اسلامی امارت تشقی ایشلر وزیرلیگی نینگ سرپرستی آسیا و اقیانوسیه ایشلری بوییچه باشلیغی برتراندلورتولاری و فرانسه تشقی ایشلر وزیرلیگی نینگ جنوبی آسیا ایشلری بوییچه مسئولی دیمین سید بیلن اسلوده ملاقات قیلگن.
اسلامی امارت تشقی ایشلر وزیرلیگی نینگ سوزلاوچیسی، فرانسه تشقی ایشلر وزیرلیگی نینگ جنوبی آسیا ایشلری بوییچه مسئولی‌دن نقل قیلیب توییتری‌ده یازیشیچه، بو مملکت افغانستان‌گه انسان پرورلیک یاردم‌لری‌گه دوام بیره‌دی.
بیزلرنینگ توییترده هم تعقیب قیلینگ!
آسیا و اقیانوسیه همده فرانسه تشقی ایشلر وزیرلیگی نینگ جنوبی آسیا ایشلری بوییچه مسئول‌لری امیرخان متقی‌گه ایتیشلریچه: «افغانستان بیلن اوزاق ییل‌لیک مناسبتیمیز بار و اوشبو ییل دیپلوماتیک مناسبت لریمیزنی برقرار ایتیلیش ۱۰۰ـییل‌لیگی دیر.»
عبدالقهار بلخی‌گه کوره، اوشبو اوچره شووده تشقی ایشلر وزیرلیگی نینگ سرپرستی فرانسه بیلن ایجابی مناسبت‌لر اوستیده تاکیدلب ساغلیک و تعلیم ساحه‌سیده مذکور مملکت نینگ یاردم بیریشینی طلب قیلگن. ایتیلیشیچه، افغانستان اسلامی امارت قدرت‌نی قولگه آلگندن کیین، بو اسلامی امارت ییریک بیر رسمی‌سی نینگ فرانسه متصدی‌لری بیلن بیرینچی اوچره شووی دیر.