امریکا تشقی ایشلر وزیرلیگی بیر بیانیه ترقه‌تیش بیلن اوشبو مملکت یشاوچیلری‌دن، ترورچیلیک هجوم‌لر و قوراللی توقنشوولر کوپه‌یگنی سبب، پاکستان گه سفر قیلمسلیک‌لرینی ایسته‌گن. پاکستان‌نینگ «اکسپرس تریبون» کونده‌لیگی ۸-مارچ، شنبه کونی بو موضوع‌نی گزارش بیرگن.
پاکستان مذکور ییتکیرمه‌سی‌نینگ گزارشی اساسیده، امریکا تشقی ایشلر وزیرلیگی خیبرپشتون‌خواه، بلوچستان و پاکستان بیلن هندوستان آره‌سیده‌‌گی چیگره یقینی‌ده جایلشگن منطقه‌لردن قطاری‌نی «خوف آستیده‌گی منطقه‌لر» دیب، بو جای‌لرده قوراللی توقنشوولر یوز بیریشی احتمالی بارلیگی‌نی بیان قیلگن.
بیزلرنینگ «ایکس» ترماغی ده هم تعقیب قیلینگ!
امریکا تشقی ایشلر وزیرلیگی‌نینگ اورغولشیچه، ترورچیلر آگاه‌لنتیرمسدن آلدین هجوم قیلیب و تورلی‌خیل جایلر جمله‌دن ترانسپورت مرکزلری، سودا مرکزلری، حربی تاسیسات، هوا قونالغه‌لری، بیلیم یورت‌لر و عبادتخانه‌لرنینگ نشان‌گه آلیشلری ممکن.
شونینگدیک امریکا تشقی ایشلر وزیرلیگی‌نینگ بیانیه‌سیده کیلیشیچه، امریکا دیپلماتلری و پاکستان ده‌گی دیپلماتیک منطقه‌لری اوتمیش‌ده هم هجوم آستیده قرار تاپیب و حاضر هم او ییرده عمومی جایلر و نقلیه واسطه‌لر‌نینگ نشان‌گه آلینیش احتمالی بار.
بیزلرنینگ فیسبوک صحیفه‌میزگه باش اورینگ!
حاضرگچه پاکستان دولتی بو توغریده هیچ بیر نرسه دیمه‌گن. سونگی آی‌لر جریانیده پاکستان کوپینچه ناتینچ‌لیکلر گه شاهد بولگن دیر.
