امریکا ملی خوفسیزلیک کینگشی سوزلاوچیسی جان کربی، سه‌شنبه کونی، ۱۱ میزان، ۳ اکتوبر، واشنگتن ده بولیب اوتگن ییغیلیش ده ایتیشیچه، افغانستان اسلام امیرلیگی بیلن مناسبت نی عادی‌لشتیریش و اولر نینگ تن آلیش قیین و اسلام امیرلیگی بیرگن وعده‌لری گه عملی قیلیشی کیره‌ک دیگن. جان کربی گه کوره، امریکا اسلام امیرلیگی اوز وعده‌لری گه عملی قیلیش اوچون اولر گه قرشی باسیم‌لری گه دوام بیره‌دی.
او نینگ کوپه‌یتیریشیچه: «اسلام امیرلیگی بیلن مناسبت‌لرنی عادی‌لشتیریش قیین دیر. بیز اولرنی افغانستان ده حاکم اوله‌راق تن آلگن یوق‌میز. اولر تن آلینیشنی ایسته‌یدیلر. لیکن اولر اوز وعده‌لری گه عملی قیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
اسلام امیرلیگی امریکا خوفسیزلیک کینگشی سوزلاوچیسی نینگ بیاناتی گه مناسبت بیلدیریب ایتیشیچه، امریکا نینگ افغانستان ده سیاستی مغلوب بولگن و افغانستان خلقی اوچون اولر نینگ هیچ اهمیتی یوق.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه، امریکا اوز غایه‌لرینی ایزله‌یدی و اسلام امیرلیگی اولردن هیچ التماسی یوق دیر.
اونگه کوره: «افغانستان خلقی تن آلینمسه ده اوز ایشلری گه دوام بیره‌دی، اولر نینگ موقفی بیز اوچون اهمیتی یوق، سونگی ایکی ییل ده امریکا و دنیا بهانه قیلیب کیلماقده، اولر اسلامی بیر حکومت شکللنیشینی تحمل قیله آلمه‌یدیلر، اولر مغلوب بولگن و اولردن التماس قیلیش ناتوغری دیر.»
سیاسی و خلق‌ارا مناسبت‌لر ایش بیلرمان‌لریدن بیرقطاری نینگ ایشانچی گه کوره، اسلام امیرلیگی، امریکا و دنیا افغانستان خلقی نینگ وضعیتی یخشی‌لنیشی اوچون قوشمه حل یول قیدیریش‌لری کیره‌ک.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمانی عبدالجبار اکبری نینگ ایتیشیچه: «امریکا و اسلام امیرلیگی قرشی سیاست‌لری گه چیک قویمه‌ی و عملی آدیم کوتارمه‌گونچه، مناسبت‌لرنی عادی‌لشتیریش قیین دیر؛ بیراق بیر_بیرلرینی ایسته‌گینی قبول قیلیشی کیره‌ک چونکه حاضر افغانستان ده قانون یوق و حکومت سرپرست دیر و یشاوچیلر نینگ تقدیری نامعلوم دیر.»
سیاسی ایش بیلرمان شبیر بشیری گه کوره: «مناسبت نی عادی‌لشتیریش و اسلام امیرلیگی نینگ تن آلیش افغانستان خلقی و اقتصادی اوچون مهم بیر مسئله دیر، اسلام امیرلیگی یشاوچیلر نینگ منفعتی اوچون تن آلینیشی کیره‌ک.»
بوندن آلدین، دنیا و امریکا، اسلام امیرلیگی بیلن مناسبت‌لرینی عادی‌لشتیریش و اولر نینگ تن آلینیشینی شرط‌لری عملی بولیشی گه باغلیق دیگنلر.
