پاکستان امنیتی رسمی‌لری، کراچی شهریده‌گی «میلر» تورمه‌خانه‌سیدن ۲۱۶ محبوس قاچگنینی معلوم قیله‌دیلر.
پاکستان یېتکرمه‌لری، بوگون (۱۳-جوزا، سه‌شنبه) اوشبو محبوس‌لر دوشنبه کونی شام چاغی زلزله یوز بیرگچ، قماقخانه ایچیده غلیان چیقیشیدن سۉنگ قاچگنینی اېتگنلر.
بیزلرنینگ فیسبوک صحیفه‌میزگه باش اورینگ!
معلومات‌لر اساسیده، یوزلب محبوس سلول‌لردن تشقریده اېکن و غلیان چیقیشیدن کېین، اولردن بعضی‌لری قوریقچیلر بیلن توقنشیب و قماقخانه‌دن قاچیش گه اولگورگن.
امنیتی کوچلر، احوال‌نی باشقریش اوچون قماقخانه ایچی و تشقریده اوق آتگن-نتیجه‌ده چمه‌سی بیش عسکر یره‌لنیب و بیر محبوس هلاک بولگن.
سند ایالتی ایچکی ایشلر وزیرلیگی، بو واقعه‌نی بی‌فرق‌لیک اته‌ب و بوتوغریده رسمی تدقیقات‌لر باشلنگن و مسئول کیشیلر بیلن قانونی یانده‌شیلیشینی بیلدیرگن.
بیزلرنینگ «ایکس» ترماغی ده هم تعقیب قیلینگ!
امنیتی رسمی‌لرنینگ ایتیشلریچه، حاضرگه قدر قماقخانه‌لردن قاچگن ۸۰ دن آرتیق محبوس قیته قولگه آلینگن و قاگنلری‌نینگ قولگه آلیش اوچون سعی-حرکت قیلماقده‌لر.
کراچی شهریده میلر تورمه‌خانه‌سی، پاکستان قماقخانه‌لری‌نینگ اېنگ گوجوم قماقخانهلریدن بیری دیر و بو ییرده آلتی مینگ‌دن آرتیق محبوس بارلیگی اېتیله‌دی.
