افغانستان نینگ امریکاده توسیلگن پوللری گه دایر اوشبو مملکت نینگ ایریم سیاست‌لریدن سونگ، بری_بیر نیویارک نینگ منهاتن منطقه‌سیده بیر قاره‌لاوچیلیک، ۱۱ سپتامبر قربانی‌لری گه افغانستان نینگ موزله‌تیلگن پوللری تاوان بیریلیشینی رد قیلدی.
امریکا فدرال قاضی‌لریدن سارا نیتبرن اوشبو قرار خصوصیده ایتیشیچه، افغانستان نینگ مرکزی بانکی امریکا قاره‌لاوچیلری نینگ صلاحیتیدن تشقری دیر و افغانستان نینگ سرمایه‌لرینی ۱۱ سپتامبر قربانی‌لری گه تاوان بیریش اسلامی امارت نینگ بیر دولت اوله‌راق رسمیت گه تانیش معناسیده دیر.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتیده افغانستان نینگ دایمی نماینده‌سی نصیراحمد فایق نینگ سلام‌وطندار گه ایتیشیچه، مدنی و خصوصی نهادلردن قطاری، افغانستان نینگ توسیلگن پوللریدن ۳.۵ میلیارد دالرنی ۱۱ سپتامبر قربانی‌لری گه توللنیشینی آلدینی آلیش گه اولگورگنلر. جناب فایق اوشبو قرار حقوقی وقانونی دلیل‌لر سبب آلینگنینی بیلدیره‌دی.
عین‌حالده، نیویارک محکمهسی تامانیدن ۱۱ سپتامبر قربانی‌لری نینگ عایله اعضالری گه افغانستان نینگ توسیلگن پوللری بیریلیش قراری، افغانستان اقتصادی بیلرمانلری نینگ خورسندلیگیگه سبب بولگن.
سلام‌وطندار بیلن صحبت اوتکزگن اقتصادی ایش بیلرمان‌لر، اوشبو قرارنی خوش قرشی‌لشکه قوشیمچه، افغانستان خلقی اوچون خوش خبرلیک بیله‌دیلر. اولر افغانستان سرمایه‌لرینی اوشبو مملکت خلقی گه عاید دیب و امریکا تامانیدن افغانستان نینگ پوللری موزله‌تیلیشینی ناقانونی بیله‌دیلر.
بیزلرنینگ توییترده هم تعقیب قیلینگ!
باشقه تاماندن، ۱۱ سپتامبر قربانی‌لری نینگ عایله اعضالری گه افغانستان پوللری بیریلمس‌لیک قراری، اسلامی امارت تامانیدن خوش قرشی‌لنگن. اسلامی امارت سوزلاوچیسی نینگ اورین باسری بلال کریمی نینگ سلام‌وطندار گه ایتیشیچه، اولر اوشبو قراردن استقبال قیلیب و بو پول افغانستان گه انتقال بیریلیشینی سوره‌یدیلر. جناب کریمی امریکا تامانیدن افغانستان نینگ توسیلگن پوللری انتقال بیریلیشینی، اسلامی امارت نینگ مهم موقوف‌لریدن بیله‌دی.
افغانستان ده اسلامی امارت حاکمیتدن کیین، امریکا قوشمه ایالت‌لری نینگ جمهور باشلیغی جوبایدن، افغانستان نینگ ۹.۵ میلیارد دالر دن آرتیق سرمایه‌سینی موزله‌تدی و کیین ایسه اوتگن ییلی دلو آیی ده، افغانستان نینگ ۳.۵ میلیارد دالر دن آرتیق سرمایه‌سینی ۱۱ سپتامبر قربانی‌لری گه تاوان بیریش اوچون محکمه گه، بوتوغریده قرار آلیش بویروغینی بیردی.
