پاکستان ده‌گی افغانستان یشاوچیلریدن قطاری، اوشبو مملکت‌ده‌گی مهاجرلر وضعیتی خصوصیده خواطر بیلدیریب ایتیشلریچه، ویزه‌لری نینگ مدتی یکونلنیشی سبب، پاکستان پولیسی آرقه‌لی قولگه آلینیش خصوصیده قورقه‌دیلر. اولر پاکستان حکومتی‌دن افغانستان‌لیک مهاجرلر‌نی مذکور مملکت‌دن قیتیش مدتی نینگ اوزه‌یتیریلیشی نی ایستهگنلر.
پاکستان ده‌گی افغانستان‌لیک مهاجرلر نماینده‌لریدن ملک مجاهد شینواری و ملک اول‌خان میاخیل نینگ سلام‌وطندار گه ایتیشلریچه، نیچه ییل‌دن بیری پاکستان ده حیات کیچیریب و او ییرده حیات کیچیریش نینگ دوام بیریش اوچون سرمایه یاتقیزگنلر؛ بیراق حاضر افغانستان‌لیک مهاجرلر نینگ قیتیش مدتی یکولنگنی‌دن کیین، پول‌لری نینگ مذکور مملکت‌ده قالیشی خصوصیده خواطرلنگنلر.
بیزلرنینگ «ایکس» ترماغی ده هم تعقیب قیلینگ!
ملک مجاهد شینواری نینگ ایتیشیچه: «پاکستان ده افغانستان‌لیک مهاجرلر سرمایه یاتقیزگن و اوی قورگنلر و بو آز مدت‌ده پاکستان ده ایشلری نینگ توپله‌یه آلمه‌یدیلر. قیتیش مدتی نینگ اوزه‌یتیریلیشی کیره‌ک.»
شونینگدیک ملک اول‌خان میاخیل نینگ ایتیشیچه: «قیش موسومی ییتیب کیلیشی سبب، افغانستان مهاجرلر نینگ افغانستان ده اویی یوق و قیین‌چیلیک‌لر بیلن روپه‌ره‌لر، انه شوو سبب پاکستان، اسلام امیر‌لیگی و مهاجرتی نهاد‌لردن، اولر گه وقت بیریلیشی نی ایسته‌یمیز.»
شونده‌ی بیرحالده، نیچه کون جریانیده مملکت گه قیتگن افغانستان‌لیک مهاجرلر، سرپرست حکومت‌دن اولر گه دایمی یشش اوی زمینه‌سی یره‌تیلیشی نی ایستهگنلر.
پاکستان دن قیتگن افغانستان‌لیک مهاجرلردن بیری وزیراحمد صافی نینگ ایتیشیچه: «افغانستان گه قیته‌دیگن مهاجرلر گه، دستلبکی یاردم‌لر و وقتینچه‌لیک باش پناه بیریله‌دی؛ بیراق بیزلر گه دایمی باش پناه و ایش زمینه‌سی یره‌تیلیشی کیره‌ک.»
پاکستان دن قیتگن افغانستان‌لیک مهاجرلردن باشقه بیری زاهدالله نینگ ایتیشیچه: «حکومت تامانیدن بیزلر گه آزیق-آوقات و وقتینچه‌لیک باش پناه کبی یاردم بیریلدی. بو قشاق اهالی گه کوپراق یاردم بیریلیشی نی ایسته‌یمیز؛ چونکه کوپراق نیازلری بار.»
عین حالده، مهاجرلر وزیرلیگی مسئوللری نینگ ایتیشلریچه، قوشنی مملکت‌لرده‌گی افغانستان‌لیک مهاجرلر قیین‌چیلیگی نینگ حل بولیشی اوچون، سعی و حرکت قیله‌دیلر.
مهاجرلر وزیرلیگی نینگ مسلکی معینی عبدالرحمان راشد نینگ ایتیشیچه، اوتگن ایکی هفته‌دن بیری، ۵۰ مینگ‌دن آرتیق افغانستان‌لیک مهاجر قوشنی مملکت‌لردن افغانستان گه قیتگن.
اونینگ کوپه‌یتیریشیچه: «میزان آیی‌ده توپلم شکلده ۵۰ مینگ ۷۷۶ کیشی قوشنی مملکت‌لردن قیتگن. اجباری شکلده ایران دن چیقریلگن مهاجرلر سانی ۲۳ مینگ ۶۳۲ کیشی دیر و ۱۴ مینگ ۲۷۱ کیشی ایسه اوزی قیتگن. شونینگدیک پاکستان دن ۱۸۶ کیشی اجباری شکلده چیقریلیب و ۱۲ مینگ ۶۸۷ کیشی ایسه داوطلب شکلده قیتگن.»
بیزلرنینگ فیسبوک صحیفه‌میزگه باش اورینگ!
عین حالده، پاکستان پولیسی تامانیدن افغانستان‌لیک مهاجرلردن قطاری نینگ قولگه آلینیشی بیلن، اوشبو مملکت حکومتی پاکستان ده‌گی حیات کیچیره‌دیگن ناقانونی مهاجرلر گه، نومبر آیی نینگ باشیگچه پاکستان نی ترک قیلیش خصوصیده وقت بیرگن؛ عکسینچه حالده، اوچ آی حبس گه تشلنیشلری ممکن.
پاکستان موقت حکومتی نینگ ایچکی ایشلر وزیری سرفراز بوگتی، جمعه کونی خبری بیر ییغین‌ده، ناقانوی مهاجرلر گه تعیین‌لنگن وقت نینگ یکونلنیشی بیلن، اوشبو مملکت حکومتی اولر نینگ چیقریلیشی خصوصیده هیچ نرسه قیلمه‌سلیگی ممکن.