هرات محلی مسئوللری نینگ ایتیشلریچه، افغانستان محبوسلریدن ۳۰۶ تهسی ایران تامانیدن بو ولایت محلی رسمیلریگه تاپشیریلگن.
هرات حاکمی سوزلاوچیسی جیلانی فرهاد نینگ سلاموطندارگه ایتیشیچه، مذکور محبوسلر آرهسیده ۴ عیال هم شامل دیر کیم اولر اوتگن کون اسلامقلعه چیگرهسی نینگ صفری نقطهسیده اوشبو ولایت محلی رسمیلریگه تاپشیریلگن.
اونگه کوره، مذکور محبوسلر نیچه ییللردن بویان تورلی جرملر بیلن ایران پولیسی آرقهلی قولگه آلینیب حبس قیلینگن ایکن.
هرات حاکمی سوزلاوچیسی نینگ کوپهیتیریشیچه، اوشبو محبوسلر اوتگن ییل افغانستان و ایران رسمیلری آرهسیده امضالنگن کیلیشوونامه اساسیده قوییب یوباریلگن.
شونینگدیک بوندن آلدین هم ایران و افغانستان محبوسلرینی تبادله قیلگن ایدی.