پاکستان ییتکرمه‌لری اوشبو مملکت رسمی‌لری‌دن نقل قیلیب گزارش بیریشیچه، بو مملکت‌دن افغانستان‌لیک قاچقینلرنینگ «داوطلب‌لیک شکلده چیقریلیش» پروسه‌سی یکون‌لنیشی بیلن، پاکستان دولتی مذکور قاچقینلرنینگ جبری شکلده چیقریلیش ایکینچی باسقیچی‌نی بوگون (۱۴-حمل، پنجشنبه)، باشله‌یدی.
پاکستان دولتی افغانستان‌لیک قاچقینلرنینگ داوطلب‌لیک شکلده چیقریلیشی اوچون ۳۱-مارچ‌گچه وقت بیرگن ایدی؛ لیکن اوشبو مملکت رسمی‌لری‌گه کوره، مذکور وقت رمضان هییتی رخصتی‌لری اوچون اوزه‌یتیریلگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بوندن آلدین خلق‌ارا همجمعیت پاکستان دن افغانستان‌لیک قاچقینلر بیلن یانده‌شووده، بشری حقوق و خلق‌ارا قبول قیلینگن قانون‌نینگ نظرگه آلینیشی‌نی ایسته‌گن.
پشاور ده افغانستان ایشلری بوییچه پاکستان قاچقینلر کمیساری‌نینگ ییریک بیر رسمی‌سی، بو مملکت‌نینگ «دان» کونده‌لیگی‌گه ایتیشیچه: «۳۱-مارچ گچه وقت بیریلگنی بیلن، بیراق بو مملکت رمضان هییتی اوچون بو وقت‌نی ۲-اپریل‌گچه اوزه‌تیردی. حاضر ایکینچی باسقیچ باشلنه‌دی و لندی کوتل و نصیرباغ سرکی‌ده بیر کمپ قورگن‌میز.»
بیزلرنینگ فیسبوک صحیفه‌میزگه باش اورینگ!
رسمی رقم‌لر اساسیده، ۲۰۲۳-ییل سپتمبر آیی‌دن بویان، ۱۵۷ مینگ ۵۱۳ ایرکک، ۱۱۱ مینگ ۳۸۱ عیال و ۱۸۷ مینگ ۸۲۱ باله شامل، توپلم شکلده ۶۹ مینگ ۴۹۴ عایله جبری شکلده چیقریلیب و افغانستان گه قیتریلگن.
