اطراف-محیط‌نی سقلش ملی اداره‌سی ینه بیر مرته افغانستان ده اقلیم اوزگریشی سلبی تاثیرلری کمه‌یشی اوچون دنیا جماعه‌سی نینگ یاردم‌لری نی ایسته‌گن.
اوشبو اداره مسئوللری کابل ده اوچ کون‌لیک ییغین یولگه قوییش بیلن مملکت‌ده اقلیم اوزگریشی طفیلی زیان‌لردن آگاه‌لنتیریب ایتیشلریچه، اوشبو واقعه‌لر گه قرشی کوره‌ش اوچون دنیا بویلب قوشمه همکارلیک‌لر، افغانستان ده دنیا تشکیلاتلری نینگ ایشی یکونلنمه‌گن ۳۲ لایحه قیته باشلنیشی و ینگی لایحه‌لر نینگ باشلش گه نیاز بار.
اطراف-محیط‌نی سقلش ملی اداره‌سی نینگ اقلیم اوزگریشلری بولیمی باشلیغی روح‌الله امید نینگ سلام‌وطندار گه ایتیشیچه، مذکور اداره نینگ تیکشیروولری اساسیده افغانستان، اقلیم اوزگریشی نینگ سلبی تاثیرلری کمه‌یشی اوچون ۲۲ میلیارد دالر گه نیازی بار.
بیزلرنینگ فیسبوک صحیفه‌میزگه باش اورینگ!
امید نینگ کوپه‌یتیریشیچه: «اقلیم اوزگریشی افغانستان نی دیرلی آغیر احوال گه دوچ قیلگن، ایکو سیستم نی بوزگن، تیریکچیلیک ده‌گی برچه نرسه‌لرنی تهدید، حرارت درجه‌‌سی آشیب و وقت‌سیز یاغینچیلیکلر کوپه‌یگن بو ایکّی پارامتر ده سوو تاشقینی، قوروقچیلیک، بوران و داوول کبی اقلیم خطرلری موجود که سکتورلریمیزنی مستقیم و نا مستقیم شکلده متاثر قیلگن؛ بولیب اوتگن تیکشیروولر گه کوره، سوو، ایکینچیلیک، برق، ایکو سیستم و ساغلیق سکتوری اقلیم اوزگریشیدن کوپراق تاثیرلنگن. امین نینگ اورغولشیچه، افغانستان ده‌گی اقلیم اوزگریشی بیلن باغیلق بولگن قیین‌چیلیکلر نینگ بیر قسمی، اطراف محیط نینگ ۳۲ لایحه‌سی قیته باشلنیشی بیلن حل بولیشی ممکن.»
اطراف-محیط نی سقلش ملی اداره‌سی، سوو و برق و ایکینچیلیک، سووغاریش و چاروه‌چیلیک وزیرلیک‌لری مسئوللری نینگ جاری هفته یک‌شنبه کونی کابل ده ناروی کمیته‌سی رسمی‌لری بیلن بولگن اوچ کون‌لیک ییغین‌‌لریده، اقلیم اوزگریشلری تاثیری طفیلی زیانلر کمه‌یشی و قرشی کوره‌ش اوچون افغانستان بیلن قوشمه همکارلیک و دنیا نینگ جدی توجه قیلیشی نی سوره‌‌گنلر.
شونینگدیک مملکت‌ده اقلیمی اوزگریشلریدن زیان کورگنلردن قطاری اونینگ سلبی تاثیرلری کمه‌یشی اوچون مسئوللر نینگ جدی توجه قیلیشلرینی ایسته‌گنلر.
هلمند ولایتی یشاوچیلریدن آغا ولی نینگ ایتیشیچه: «۳۰ جریب ییر گه بوغدای ایککن ایدیم، برچه‌سی یاغینگرچیلیک‌ده اورته‌دن کیتدی. برچه‌سی خراب بولدی. یالغیز مین ایمس بلکیم ۶-۷ ته مسجد و قیشلاغ‌ده اهالی وضعیتی شو رقم.»
شونینگدیک غزنی ولایتی یشاوچیلریدن کریم داد نینگ ایتیشیچه: «شو ییرده قوشنی‌لریمیزدن بیری نینگ اویی چپه بولدی و جای تلفاتی بار ایدی. سونگی کونلر سوو تاشقینلر هر طرف‌دن قیشلاغیمیز گه کیله‌ر ایدی.»
بیزلرنینگ «ایکس» ترماغی ده هم تعقیب قیلینگ!
اطراف-محیط بیلرمانی باسط رحمانی نینگ ایتیشیچه، اقلیم اوزگریشی سلبی تاثیرلری بیلن قرشی کوره‌ش اوچون دنیا سرپرست حکومت بیلن قوشمه بیر شکلده همکارلیک قیلمه‌گنی صوت‌ده، افغانستان ده جانی و آزیق-آوقت امنیتی گه ایگه بولمه‌گنلر سانی نینگ کوپه‌یشی ممکن.
رحمانی نینگ کوپه‌یتیریشیچه: «افغانستان نینگ ایکینچیلیککه باغلیق بولگنی کوپراق بو مملکت‌نی تهدیدلر و قیین‌چیلیکلر بیلن روپه‌‌ره قیله‌دی. افغانستان زرعتی نینگ اصلی منبع‌سی سوو دیر. یاغینگرچیلیک هم کوپه‌یگن. اطراف-محیط امنیتی نی تغییر بیره‌دی و افغانستان اوچون کیین‌لرده خوفلی بولیشی، آزیق-آوقت امنیتی خوف آستیده قرار تاپیشی ممکن.»
ایتیش کیره‌ک که، اسلام امیرلیگی نینگ قدرت گه ایریشگنی و دنیا آرقه‌لی بو حکومت نینگ رسمیت گه تانیلمه‌گنی بیلن، افغانستان اقلیم اوزگریشی گه تیگیشلی دنیا ییغینلری گه دعوت بولمه‌‌ی و شونینگدیک افغانستان ده لایحه‌لر اجرا بولیشی کیینگه قوییلگنی سبب، افغانستان زلزله، سوو تاشقینلر و قوروق‌چیلیکلر کبی اقلیمی اوزگرشلری طفیلی طبیعی حادثه‌لردن کوپراق زیان کورگن دیر.
