بیرلشگن ملتلر تشکیلاتی باش کاتبی آنتونیو گوترش، ینگی‌لیکده «افغانستان وضعیتی و اونینگ دنیا ثباتی اوستیگه تاثیری» عنوانیده ترقه‌تگن گزارشی ده، میلادی ۲۰۲۲-ییل گه نسبتن اوشبو ییل ده افغانستان ده قوراللی هجوم‌لر ۴۱ فایز کمه‌یگنینی معلوم قیلگن.
بو گزارش ده کیلیشیچه، ۲۰۲۳-ییل نینگ بیر آگست دن اوشبو ییل نینگ ۲۲ نومبر گچه، قوراللی توقنشوولر ۱۰۴ مورد دن ۶۱ مورد یعنی ۴۱ فایز، پارتلش واقعه‌لر ۶۵ مورد دن ۱۸ مورد یعنی ۷۲ فایز کمه‌یگن.
عین‌حالده، اسلام امیرلیگی بیرلشگن ملتلر تشکیلاتی نینگ اوشبو گزارشینی افغانستان نینگ ترقیاتی اوچون مثبت آدیم دیب و افغانستان نینگ باشقه ساحه‌لرده‌گی ترقیات‌لرینی نظرگه آلیشلرینی سوره‌گن.
سرپرست حکومت سوزلاوچیسی ذبیح‌الله مجاهد گه کوره، حاضر افغانستان بویلب دایمی ثبات و خوفسیزلیک برقرار بولگن و بو مملکت واحد نظام تامانیدن باشقریلماقده.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اقتصادی و بنیادی ترقیات‌لر بولگن، یالغیز بو ایکی مسئله ایمس بلکه برچه واقعیت‌لر نظرگه آلینیشی کیره‌ک، افغانستان وضعیتی گه دایر بیرلشگن ملتلر تشکیلاتی نینگ گزارشی مثبت دیر، بو خورسندلیک‌لر دوام تاپیشیگه امید بیلدیره‌میز.»
بیراق، مملکت حربی و سیاسی ایش بیلرمان‌لری، بیرلشگن ملتلر تشکیلاتی نینگ اوشبو گزارشینی اساس‌سیز دیب ایتیشلریچه، بو گزارش ده جبهه‌ای اوروش تیلگه آلینمه‌گن و بو کبی گزارش‌لرنی ترقته‌دیگن تشکیلات‌لر نینگ منزلی و مکانی بیللی بولمه‌ی و بیره‌دیگن حسابات‌لری انیق ایمس.
ایش بیلرمان‌لر نینگ ایشانچی گه کوره، بو گزارش حربی و سیاسی ایش بیلرمان‌لر تامانیدن ایزلنیب و تصدیقلنمه‌گن. اولر نینگ کوپه‌یتیریشیچه، حاضر افغانستان ده کیچیک هجوم‌لر فایز ده حساب گه کیرمه‌یدی و ۹۵ فایز قوراللی هجوم‌لر کمه‌یگن.
حربی ایش بیلرمان جنرال طاهر یرغل گه کوره: «حاضر افغانستان ده ایشانچلی امنیت تامینلنمه‌گن، بیرلشگن ملتلر تشکیلاتی بو گزارش نی قییردن و کیم تامانیدن تیارلب ترقه‌تگن بیلمه‌یمیز. افغانستان ده حاضر اصلا هجوم بولمه‌یدی، ۴۱ فایز نیمه قریب ۹۵ فایز کمه‌یگن.»
شونینگدیک، سیاسی ایش بیلرمان عبدالشکور دادرس نینگ ایتیشیچه: «اولر بیان قیلگن قوراللی هجوم‌لر نینگ منزلی و مکانی بیللی ایمس، بیر میل قورالی بولگن کیشی قوراللی دیر. اولر بیان قیلگن هجوم‌لرده جبهه‌ی هجوم‌لر ذکر بولمه‌گن.»
بیزلرنینگ «ایکس» ترماغی ده هم تعقیب قیلینگ!
بو گزارش نینگ بیر بولیمیده کیلیشیچه، خاتین قیزلر نینگ حقوقی چیکلنگن، افغانستان ده‌گی عیاللر و قیزلر مدرسه باره آله‌دیلر، بیراق مدرسه‌لرده باره‌دیگن قیزلر نینگ سانی و بو نهادلرده معاصر مضمون‌لر اوقیتیلیشی انیقلنمه‌گن.
عیال حقوقی فعاللریدن طوبا رسولی گه کوره، بو مدرسه‌لرده اسلامی مضمون‌لر گه قوشیمچه معاصر مضمون‌لر هم اوقیتیلیشی کیره‌ک: «بو مدرسه‌لرده یالغیز دینی مضمون‌لر اوقیتیلیب و معاصر مضمون‌لر اوقیتیلمسه ایریم قیینچیلیککه سبب بوله‌دی، چونکه حاضرگی کونده برچه ساحه‌لرده شفاکار، اوقیتووچی عیال گه نیاز دیر.»
بیرلشگن ملتلر تشکیلاتی باش کاتبی اوشبو گزارش ده، افغانستان ده قورال انتقال بیریلیشی گه دایر منطقه اولکه‌لر نینگ خواطری گه اشاره قیلیب ایتیشیچه، افغانستان ده بیرلشگن ملتلر تشکیلاتی نینگ اورین باسرلیک هیئت دفتری (یوناما)، بو مملکت ده اسلام امیرلیگی رسمی‌لری بیلن اوچره‌شیب و سرپرست حکومت مملکت نینگ ۱۴ ولایتی ده قورال قوچاق بولیشینی کشف و ضبط ایتگن.
برچه‌سی بیلن بیرلشگن ملتلر تشکیلاتی باش کاتبی مذکور گزارش ده، افغانستان ده اویوشتیریلگن هجوم‌لر مسئولیتینی تن آلگن یا که اولر گه نسبت بیریلگن داعش گروهی خراسان شاخه‌سی هجوملری، کمه‌یگنینی معلوم قیلگن.
