خلق‌ارا ساغلیق‌نی سقلش تشکیلاتی اوتگن کون (یک‌شنبه، ۲۰-جوزا)، افغانستان ده ساغلیق وضعیتی توغریسیده بیر گزارش ترقه‌تیش بیلن ایتیشیچه، اوشبو مملکت‌ده کونده توغیش چاغیده آلدینی آلیش ممکن بولگن کسل‌لیکلر طفیلی ۲۴ آنه و ۱۶۷ باله جان بیره‌دی. مذکور تشکیلات نینگ آگاه‌لنتیریشیچه، اوشبو نهاد بودجه‌سی کمه‌یشی بیلن افغانستان ده آنه‌لر و باله‌لر اولیمی میزانی نینگ کوپهیشی ممکن.
مذکور گزارش نینگ بیر بولیمی‌ده کیلیشیچه: «افغانستان ده کونده توغیش چاغیده آلدینی آلیش ممکن بولگن کسل‌لیکلر طفیلی ۲۴ آنه و ۱۶۷ باله جان بیره‌دی و بودجه کمهیگنی صورت‌ده، بو رقم نینگ کوپهیشی ممکن. جدی خطرلر بیلن قرشی کوره‌ش اوچون ۳۵۲ میلیون دالر گه نیازیمیز بار.»
بیزلرنینگ فیسبوک صحیفه‌میزگه باش اورینگ!
خلق‌ارا ساغلیق‌نی سقلش تشکیلاتی نینگ کوپه‌یتیریشیچه، اوتگن میلادی ییل‌ده بودجه کمهیگنی طفیلی ۴۲۸ ثابت و سیار ساغلیق مرکزلر ایشیگینی یاپیش گه مجبور بولگن که بو، بیش یاش نی تولدیرمه‌گن ۶۰۰ مینگ باله و ۲۴۰ مینگ‌دن آرتیق حامله عیال گه یامان تاثیر قوییش‌گه سبب بولگن.
شونده‌ی بیرحالده، هرات یشاوچیسی راضیه نینگ ایتیشیچه، حامله کیلینی بیلن چقه‌لاغی نی کم‌خون‌لیک کسل‌لیگی طفیلی قولدن بیرگن. «کیلینیم حامله ایدی؛ توغروق‌خانه گه آلیب باردیک؛ هم کیلینیم اولدیر و هم باله‌سی. شفاکارلر اولر نینگ اولیمی سببی نی کم‌خون‌لیک دیگنلر.»
شونینگدیک پروان یشاوچیسی و ایگیزک آنه‌سی بولمیش شاه‌جهان، کم‌خون‌لیک کسل‌لیگی طفیلی چقه‌لاغی‌دن بیرینی قولدن بیریب و باشقه بیرته‌سینی ایسه کسل‌خانه‌ده بستری قیلگن. «نیچه کیچه بوله‌دی که چقه‌لاغیم گه قان بیردیم، کسل‌خانه‌ده بستری دیر. حاضر باشقه قان تاپیلمه‌یدی.»
سرپرست حکومت ساغلیق‌نی سقلش وزیرلیگی مسئوللری، لیکن افغانستان ده ساغلیق وضعیتی توغریسیده خلق‌ارا ساغلیق‌نی سقلش تشکیلاتی گزارشی نی رد قیلیب و ایتیشیچه، مملکت‌ده توغیش چاغیده آنه‌لر و باله‌لر نینگ اولیمی میزانی کمه‌یگن دیر.
ساغلیق‌نی سقلش وزیرلیگی سوزلاوچیسی شرافت زمان امرخیل نینگ سلام‌وطندار گه ایتیشیچه، اوتگن میلادی بیش آی‌ده افغانستان ده ساغلیق مرکزلر نینگ کوپه‌یگنی سبب، افغانستان بویلب توغیش چاغیده ۳۰۰ آنه جان بیرگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «خلق‌ارا ساغلیق‌نی سقلش تشکیلاتی گزارشی نی رد قیله‌میز و افغانستان ده آنه‌لر و باله‌لر اولیم میزانی رقمی کمهیگنی نی ایته‌میز. اوتگن بیر ییل‌ده اوزاق منطقه‌لر ۳۵۰ ساغلیق مرکزلر ایجاد قیلگن‌میز و بو کوپه‌یش نی کورسته‌دی که اوتگن بیش آی‌ده توغیش چاغیده ۳۰۰ آنه جان بیرگن.»
ساغلیق‌نی سقلش وزیرلیگی مسئوللری نینگ ایتیشلریچه، قویاش جاری ییل‌ده مملکت‌ده آنه و چقه‌لاققه مخصوص ساغیلق خذمتلر ارائه قیله‌دیگن ۲۸۸ مرکز نینگ قوریش نی نظر گه آلگنلر.
