پاکستان باش وزیری شهباز شریف، اۉتگن کون اوشبو مملکت‌ده یولگه قوییلگن بیر ییغین‌ده ایتیشیچه، پاکستان افغانستان بیلن «ترجیحی» سوداگرلیک خصوصیده اوچره‌شیش اوچون تیار دیر و شونینگدېک ترجیحی سوداگرلیک کیلیشوولری توغریسیده بحث و مصلحتلر دوام قیلماقده.
بو بیلن بیرگه، افغانستان-پاکستان قۉشمه اتاق مسئوللری نینگ ایتیشلریچه، ایکّی تامانلمه نیچه مورد نینگ حل بولگنی و مصلحتلردن کیین، یقین‌ده افغانستان و پاکستان آره‌سیده ترجیحی سوداگرلیککه شاهد بولیش ممکن.
بیزلرنینگ فیسبوک صحیفه‌میزگه باش اورینگ!
افغانستان-پاکستان قۉشمه اتاق باشلیغی نقیب‌الله صافی نینگ ایتیشیچه، هر ایکّی مملکت‌دن ترجیحی اوخشش توارلر نینگ نظر گه آلینگنی صورت‌ده، ایکّی تامان اوچون ترجیحی سوداگرلیک نینگ اونملی و فایده‌لی بولیشی ممکن.
اونینگ کوپه‌یتیریشیچه: «فایده‌سی بولگنی صورت‌ده، ترجیحی سوداگرلیک هر ایکّی مملکت اوچون کوپ مهم که ایکی تامان نینگ توارلری بیر جنس بولسه. تعرفه و گمرک قیین‌چیلیک‌لری هر ییلی بار. بو کبی سوداگرلیک کوپ اونملی و صحبت قیلینماقده و باشقه نیچه مورد بار که بو خصوصده بحث بولسه و حل بولسه، کیلیشه‌میز.»
افغانستان-پاکستان سوداگرلیک قۉشمه اتاقی مصلحتچیسی محمدمخلص نینگ ایتیشیچه، جاری ییل ۲۶-مارچ ده ایکّی مملکت رسمی‌لری آره‌سیده اۉتکزیلگن سۉنگی جلسه اساسیده، ایکّی مملکت آره‌سیده‌گی تجارت‌ده ۱۰ قلم نینگ ترجیحی بولیشی گه قرار آلینگن.
اونینگ کۉپه‌یتیریشیچه: «اۉتگن ییل‌دن بویان بو کبی سوداگرلیک‌لر خصوصیده بحث بولگن. سۉنگی اۉتکزیلگن جلسه‌ده، ایکّی مملکت آره‌سیده ۱۰ قلم نرسه جمله‌ده ۸ قلم زراعتی و ۲ قلم تولیدی و صناعتی ماده‌لر خصوصیده ترجیحی تعرفه‌لر نظر گه آلینگن.»
افغانستان-پاکستان سوداگرلیک قۉشمه اتاقی مسئوللری، توارلر انتقال بیریلیشی خره‌جتی کمه‌یشی، بازار‌ده توار بهاسی کمه‌یشی، سودا-ساتیق کوپه‌یشی و ایکّی تامانلمه سوداگرلیک رواجلنیشی اوچون ترجیحی سوداگرلیک نی فایده‌لی بیله‌دیلر.
اقتصادی ایش بیلرمانلر ترجیحی سوداگرلیک نی فایده‌لی دېب، اسلام امیرلیگی گه بو کبی تجارت خصوصیده پاکستان بیلن کیلیشگنی صورت‌ده، پاکستان دن کوچلی سوداگرلیک تضمین‌لر آلینیشی نی پیشنهاد بیره‌دیلر؛ چونکه تجربه‌لر اساسیده افغانستان بیلن سوداگرلیک بیتیم‌لرده پاکستان اوز قراری گه توخته‌یمه‌دی.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان قیس محمدی نینگ سلام‌وطندار گه ایتیشیچه: «بو کبی سوداگرلیک نینگ تطبیق بولگنی‌ده ایکّی مملکت آره‌سیده سوداگرلیک کوپه‌یه‌دی. مملکت‌لر افغانستان بازاری اوچون بیر بیرلری بیلن رقابت قیلسینلر و افغانستان اوچون امتیازلر نی قایل بولسینلر و افغانستان اونینگ اوچون پاکستان دن یوقاری تضمین‌لر آلیشی کېره‌ک.»
اۉتگن بیر ییل و افغانستان‌لیک سوداگرلر گه پاکستان حکومتی آرقه‌لی چیکلاولر کوپه‌یگنی‌دن کېین، افغانستان توارلری کوپ بولیمی نینگ ترانزیتی پاکستان یولی‌دن ایران بیلن سوداگرلیک یولیگه اوزگرگن.
