صناعت و سوداگرلیک وزیرلیگی مسئوللری نینگ ایتیشلریچه، افغانستان و ایران آره‌سیده سوداگرلیک و ترانزیتی قوشمه کمیته نینگ بیرینچی ییغیلیشی اوتکزیلیشیدن اساسی مقصد، سرپرست حکومت باش وزیری نینگ اقتصادی اورین باسری عبدالغنی برادر و صناعت و سوداگرلیک وزیری ایران گه قیلگن رسمی سفرلری دایره‌سیده، اوشبو مملکت رسمی‌لری بیلن امضاله‌گن شرطنامه ماده‌لرینی عملگه آشیریش دیر.
صناعت و سوداگرلیک وزیرلیگی سوزلاوچیسی آخوندزاده عبدالسلام جواد گه کوره، اسلام‌قلعه، نیمروز، ابونصر فراهی و ایران بیلن چیگره‌داش اوچ بندر نینگ ایش تایمی سکیز ساعت دن ۱۶ ساعت گه آشگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، بونگه قوشیمچه بیر کون ده یوک تاشووچی ۵۵۰ موتر دن بیر مینگ ۲۰۰ موتر باریب-کیلیشی اوچون، ایکی مملکت آره‌سیده صادرات و واردات اوستیگه کیلیشیلگن. «بو ییغیلیش‌لر ده ایران نینگ افغانستان گه کیله‌دیگن یوک تاشووچی موترلری گه یره‌تیلگن ۲۰ کون‌لیک چیکلاو بیکار قیلینگن، تامان‌لر سوداگرلیک ترقیاتی اوچون تعیینلنگن فیس‌لر نی بیکار اعلام قیلگنلر.»
عین‌حالده، اقتصادی ایش بیلرمان‌لردن بیرقطاری مملکت سوداگرلری نینگ قیینچیلیک‌لری حلی اوچون بو کبی ییغیلیش‌لرنی اونیملی بیله‌دیلر.
اقتصادی ایش بیلرمان تاج‌محمد تلاش گه کوره، چابهار بندری ده‌گی چیکلاو، باجخانه تعرفه‌سی آشیریلیشی، افغانستان‌‌لیک سوداگرلر نینگ اساسی قیینچیلیک‌لریدن سنله‌دی.
بیزلرنینگ «ایکس» ترماغی ده هم تعقیب قیلینگ!
او نینگ ایتیشیچه: «بو اوچ نقطه ایکی تامان آره‌سیده‌گی قیینچیلیک دیر، بو توغریده کیلیشیلگن حالده پاکستان بیلن ۷۰ دن ۸۰ فایز سوداگرلیک آلیش-بیریش کمیه‌دی.»
اقتصادی ایش بیلرمان‌لر دن باشقه بیری نصیراحمد رشتیا نینگ ایتیشیچه، سوداگرلیک ساحه‌سیده ایکی مملکت آره‌سیده‌گی قیینچیلیک اوشبو ییغیلیش ده حل بولیشی ممکن. «ویزه و پول انتقالی اوچون حاضرگچه قیینچیلیک بار، بو توغریده‌گی قیینچیلیک حل بولگن حالده ایکی مملکت آره‌سیده‌گی مناسبت یخشی بوله‌دی دیب اویله‌ی من.»
صناعت و سوداگرلیک وزیرلیگی مسئوللری گه کوره، ۲۰۲۳-ییل ده، پخته، تورلی خیل خسته، زیره، ایچیملیک کبی ۲۵ میلیون دالرلیک سوداگرلیک توار ایران گه صادر بولگن و ایران دن بیر مینگ ۷۱۴ میلیون دالرلیک نفتی ماده، فابریکه‌لر اوچون خام ماده و باشقه نرسه مملکت گه وارد ایتیلگن.
