افغانستان سودا و سرمایه یاتقیزیش اتاقی مسئوللری گه کوره، افغانستان نینگ صادراتی توارلری اینگ یخشی صفت گه ایگه بولیب و اوشبو مملکت، صادراتی محصوللر نینگ ایشلب چیقریلیشی بولیمی‌ده مملکت‌لر ستندردلری نی قبول قیلیش گه تیار دیر.
افغانستان سودا و سرمایه یاتقیزیش اتاقی سوزلاوچیسی جان‌آقا نوید نینگ ایتیشیچه، افغانستان اوچون مملکت‌لر ستندردلری بیللی بولگنی صورت‌ده، اوشبو مملکت تولیدی شرکتلری مذکور ستندردلر اساسیده توارلری نی ایشلب چیقریش امکانیتی‌گه ایگه دیر. اونینگ کوپه‌یتیریشیچه: «هر بیر مملکت‌نی ستندردلری فرق‌لی دیر، تیکشیریلگن حالده بو مملکت‌لر بیز بیلن قیسی ستندردلرگه محصولات طلب قیلسه، بیزنی شرکت‌لریمیز اولرنی ایسته‌گیگه ماس ستندردگه محصولات ایشلب چیقاریش‌گه تیار دیر.»
بیزلرنینگ «ایکس» ترماغی ده هم تعقیب قیلینگ!
ینگی‌لیکده قرقیزستان ییتکرمه‌لری باله‌لر ساغلیگی گه زیان ییتیشتیره‌دیگن ماده‌لری بولگنی سبب افغانستان ده ایشلب چیقریله‌دیگن گازلی انار ایچیم‌لیک‌لرینی مذکور مملکت‌ده تقیق‌لگن.
شونینگدیک اوزبیکستان ساغلیق کمیته‌سی، افغانستان ده ایشلب چیقریلگن انار ایچیملیکلری صفتی قوییلیگی‌دن بو مملکت یشاوچیلری شکایتی‌دن کیین، مذکور ایچیم‌لیک‌لر نینگ تیکشیریلیشی نی اعلام قیلگن.
لیکن افغانستان صناعتچیلر بیرلشمهسی نینگ ایتیشیچه، افغانستان صادراتی توارلری دنیا بازارلریده رقابت قیلیش اوچون صفتلی بیر شکلده ایشلب چیقریله‌دی.
افغانستان صناعتچیلر بیرلشمهسی سوزلاوچیسی احسان‌‌الله احساس نینگ سلام‌وطندار گه ایتیشیچه: «بیز ایشانچ بیلن ایتیش‌میز ممکن که افغانستان‌ده ایشلب چیقریلگن محصوللر یخشی صِفت‌گه ایگه دیر، بیز افغانستان محصوللری یخشی صفت بیلن ایشلب چیقریلیشی اوچون جدی توجه قره‌تگنمیز.»
اقتصادی مسئله‌لر بوییچه ایش بیلرمانلردن قطاری نینگ ایتیشلریچه، افغانستان صادراتی توارلری صفتی قویی‌لیگی خصوصیده بیان بولگن خواطرلر اوشبو مملکت صادرات میزانی گه سلبی تاثیر قوییشی ممکن.
بیزلرنینگ فیسبوک صحیفه‌میزگه باش اورینگ!
بو توغریده اقتصادی مسئله‌لر بوییچه ایش بیلرمانلردن ظاهر بهزاد نینگ ایتیشیچه: «قرقیزستان افغانستان‌ده ایشلب چیقریلگن گازلی ایچیملیک‌لرنی تقیق‌لگن بو ایسه اوشبو محصوللرنی افغانستان ده ایشلب چیقریلیشی اوستیده سلبی تاثیر قویه‌دی.»
ایتیش کیره‌ک که، افغانستان سونگی ییل‌لرده گازلی ایچیم‌لیک‌لر ایشلب چیقریلیشی بولیمی‌ده یخشی یوتوقلر گه ایگه بولیب و مذکور ایچیم‌لیک‌لردن بیر قطاری امریکا گه هم صادر بولگن.
