مملکت سوداگرلیک و سرمایه یاتقیزیش اتاقی گه کوره، افغانستان اوتگن ییل ده توپلم شکلده بیر میلیارد ۸۶۵ میلیون دالرلیک توار صادرات قیلگن و ۸۵ فایز کوپه‌یشینی کورسته‌دی.
مذکور اتاق باشلیغی یونس مومند، صادرات برابریده‌گی قیینچیلیک کمه‌یشینی، صادرات میزانی آشیش دلیلی عنوان قیلگن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «تازه میوه و سبزه‌وات کبی صادرات برابریده‌گی قیینچیلیکلر حل بولگن صادراتیمیز آشماقده، اوتگن ییل ۷۰۰ مینگ تُن میوه و سبزه‌وات صادر قیلگن ایدیک، اوتگن ییل گه نسبتن بو ییل سیزیلرلی درجه ده آشیشنی کورسته‌دی.»
دهقانچیلیک محصولات‌لرنی صادر قیلووچیلردن بیرقطاری، صادرات میزانی آشیشیدن خورسندلیک قیلیب ایتیشلریچه، درآمدلری هم کوپه‌یگن.
قوروق میوه صادر قیلووچیلردن رحیم‌الله گه کوره، اوتگن ییل گه نسبتن صادرات میزانی سیزیلرلی درجه ده آشگن.
او نینگ کوپه‌یتیریشیچه: «اوتگن ییل گه نسبتن قولی‌لیک یره‌تیلگن، تورت خیل میوه صادر قیله‌میز، صادرات خصوصیده قیینچیلیک یوق شونی اوچون صارداتیمیز میزانی آشگن، اوتمیش ده‌ی ماللریمیزنی انتقال بیریش اوچون امنیتی تشویشیمیز یوق.»
سوداگرلردن باشقه بیری لعل‌گل، اوتگن ییلی قوشنی و منطقه مملکت‌لر گه ۲۰۰ مینگ تُن تازه میوه صادر قیلگنینی معلوم قیله‌دی.
بیزلرنینگ توییترده هم تعقیب قیلینگ!
اونگه کوره: «محصولاتیمیزنی زمینی یول بیلن هندوستان، پاکستان و تاجیکستان گه صادر قیله‌میز، زمینی قولی دیر، قاچاق یوق و پول آلیش مسئله‌سی یوق، اوتمیش گه نسبتن صادرات برابری ده قولی‌لیک یره‌تیلگن.»
باشقه تاماندن، بیرقطار سوداگرلر اسلام امیرلیگی دن، ساووقخانه قوریش و هوایی یوللر آرقه‌لی توارلرینی صادر قیلیش اوچون قولی‌لیک یره‌تیش‌نی طلب قیله‌دیلر.
قندهار ده سبزه‌وات سوداگری سیدکریم نینگ ایتیشیچه، ساووقخانه یوق‌لیگی باعث محصولات‌لرینی اسره‌ش اوچون جدی قیینچیلیک بیلن روپه‌ره دیر.
اونگه کوره: «اوتمیش گه نسبتن قولی‌لیک یره‌تیلیشی توغری، لیکن صادر قیله‌دیگن سبزه‌وات‌لردن قطاری نینگ وقتی کم، یولگه بوزیلیب چیککن زحمتیمیز ضایع بولیب و درآمد قیلمه‌یدی.»
افغانستان سوداگرلیک و سرمایه یاتقیزیش اتاقی نینگ کوپه‌یتیریشیچه، اوتگن ییلی کوپراق زمینی و هوایی یول بیلن قوشنی اولکه‌لر گه صادر قیلگنلر و شونینگدیک، صادرات میزانینی آشیریش مقصدیده سعی‌وحرکت قیلماقده‌لر.
