افغان قیزیل آی جمعیتی گه یاردم ییغیش مخصوص هفته‌سی، کابل ده آچیلگن. افغان قیزیل آی جمعیتی مسئوللری، بوگون (سه‌شنبه، ۲۴-میزان)، اسلام امیرلیگی رسمی‌لری حضوری بیلن، افغان قیزیل آی جمعیتی گه یاردم ییغیش مخصوص هفته‌سیدن نشان‌له‌گنلر.
بو برنامه ده افغان قیزیل آی جمعیتی دفتری سرپرستی شهاب‌الدین دلاور نینگ ایتیشیچه، سوو تاشقین‌لر، زلزله‌‌لر، طبیعی و غیرطبیعی حادثه‌لر عاقبتیده زیان کورگن و آواره بولگن عایله‌لر گه یاردم بیریلیشی، توغمه یوره‌ک کسل‌لیگی گه چلینگن باله‌لر نینگ دوالنیشی، ساغلیق خذمتلر ارائه‌سی، روحی حمایت مرکزلریده‌گی کسل‌لر نینگ سقلنیشی بیلن دوالنیشی و باشقه بیر قطار موردلر، همکارلیککه نیازی بولگن فعالیت‌لردن دیر.
بیزلرنینگ «ایکس» ترماغی ده هم تعقیب قیلینگ!
افغان قیزیل آی جمعیتی دفتری سرپرستی نینگ کوپه‌یتیریشیچه، بو جمعیت گه یاردم مقصد، اوشبو هفته افغان قیزیل آی جمعیتی گه یاردم ییغیش بویلب کمپاین یولگه قوییگنلر. «هفته جریانیده، اوشبو ملی جمغرمه نینگ ولایتی دفترلری اعضالری، رضاکارلری و ایشلاوچیلری، مملکت یشاوچیلری و ملی سوداگرلریدن بو نهاد نینگ قوللب-قوتلشلرینی ایسته‌یدی.»
افغان قیزیل آی جمعیتی نینگ معلوماتی اساسیده، مملکت‌ده اقلیمی اوزگریش‌لر توغریسیده یشاوچیلردن ۷۶ فایزی تاثیرلنیب و همکارلیککه نیازی بار. اسلام امیرلیگی باش وزیری نینگ اداری اورین باسری عبدالسلام حنفی، بو برنامه‌ده افغان قیزیل آی جمعیتی مخصوص هفته‌سی مناسبتی بیلن یشاوچیلردن، بو نهاد گه همکارلیک قیلیشلرینی ایسته‌گن.
جناب حنفی نینگ کوپه‌یتیریشیچه: «افغان قیزیل آی جمعیتی هفته‌سی، هر کیم اوز امکانیتی گه قره‌ب همکارلیک قیلیشی اوچون بیر فرصت دیر. همکارلیک قیلگن کیشیلردن قدردانلیک قیله‌میز و مملکت‌لر نینگ مسئولیتی هم بو دیر که بو بولیم‌ده افغان قیزیل آی جمعیتی بولیمی گه همکارلیک قیلسینلر.»
شونینگدیک سوو و برق وزیرلیگی مصلحتچیسی فاروق اعظم، خلق‌ارا همجعیت‌دن سیاسی مسئله‌لر گه توجه قیلمه‌ی، افغان قیزیل آی جمعیتی گه یاردم‌لری نینگ دوام بیریشلرینی ایسته‌گن. «خلق‌ارا همجعیت‌دن، سیاسی مسئله‌لرگه توجه قیلمه‌ی، افغان قیزیل آی جمعیتی گه یاردم بیریشلرینی ایسته‌یمیز.»
افغانستان ده خلق‌ارا قیزیل خاج کمیته باشلیغی کاترینا ریتز نینگ ایتیشیچه، بو نهاد انسان‌پرورلیک یاردم‌لر بولیم‌ده افغان قیزیل آی جمعیتی بیلن قوشمه همکارلیگی بار.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بو هفته مناسبتی بیلن، اهالیگه وقتی‌ده انسان‌پروریلیک یاردم‌لر نینگ ییتکزیلیشی اوچون یاردم بیرووچی نهادلردن مذکور نهاد بیلن همکارلیک قیلیشلرینی ایسته‌یمیز.»
ایتیش کیره‌ک که، اوتگن بیر ییلده افغان قیزیل آی جمعیتی دفتری، ۷ میلیون کیشی گه ساغلیق خذمتلر و انسان‌پرورلیک یاردملرنی ارائه قیلگن.
