افغان قیزیل آی جمعیتی مسئوللری، بوگون (سه‌شنبه، ۱-عقرب)، کابل شهری‌ده یولگه قوییلگن بیر برنامه‌ده ایتیشلریچه، اوشبو نهاد کوز کسللیکلریگه چلینگن و بوندن آلدین دوالنیش اوچون آتلرینی ثبت قیلگن سکیز مینگ‌دن آرتیق کسل نینگ دوالنیش زمینه‌سینی یره‌ته‌دی.
افغان قیزیل آی جمعیتی سرپرستی شهاب‌الدین دلاور نینگ ایتیشیچه، «ملک سلمان جمغرمه‌سی» و «البصر خصوصی جمغرمه‌سی» نینگ مالی حمایتی بیلن، کابل ده مذکور کسل‌لر نینگ تیکین روشده دوالنیش زمینه‌سی یره‌تیلگن.
بیزلرنینگ فیسبوک صحیفه‌میزگه باش اورینگ!
جناب دلاور نینگ کوپه‌یتیریشیچه: «اولر کوز کسللیکلریگه چلینگن سکیز مینگ کیشی نی معاینه قیله‌دیلر و مذکور سکیز مینگ کیشی عیاللر، باله‌لر و کیکسه‌لردن عبارت دیر و باشقه ۸۰۰ کیشی عملیات بوله‌دی و شونینگدیک اوشبو سکیز مینگ کیشی گه دارو هم بیریله‌دی.»
البصر خصوصی جمغرمه‌سی مسئوللری نینگ ایتیشلریچه، اوشبو برنامه نینگ تورلی ولایت‌لرده یولگه قوییلیشی‌گه هم قرار آلگنلر.
خلق‌ارا البصر نهادی نینگ عمومی مدیری رضوان‌احمد بلوچ گه کوره: «کوز کسل‌لیکلری گه چلینگن ۸ مینگ کیشی نی دواله‌یمیز و اولردن ۸۰۰ ته‌سی نینگ عملیات بولیشی ممکن. بو برنامه‌لر نینگ تورلی ولایت‌لرده هم یولگه قوییلیشی گه قرار آلینگن.»
شونده‌ی بیرحالده، بوگون کابل شهری بادام باغی‌ده افغان قیزیل آی جمعیتی کسل‌خانه‌سی گه دوالنیش اوچون مراجعت قیلگن کوز کسللیکلریگه چلینگن کیشی‌لردن قطاری، بو کبی برنامه‌لر نینگ کوپه‌یشینی ایسته‌گنلر.
کابل شهری یشاوچیلریدن خیرالله نینگ ایتیشیچه: «بو کبی برنامه‌لر کوپراق یولگه قوییلیشی و شونینگدیک یالغیز کوز عملیاتلری اوچون بولمسلیگی نی ایسته‌یمیز، چونکه کوز کسل‌لیکلری گه چلینگنلردن کوپ قطاری نینگ پولی یوق.»
بیزلرنینگ «ایکس» ترماغی ده هم تعقیب قیلینگ!
کابل شهری یشاوچیلریدن باشقه بیری بصیر احمد نینگ ایتیشیچه: «اقتصادی قیین‌چیلیک اوچون نور کسل‌خانه‌سیده کوزیم نی عملیات قیلدیره آلمه‌دیم، چونکه اوچ-تورت مینگ افغانی ایدی که توللش گه امکانیتیم یوق ایدی. نور کسل‌خانه‌سیده تیکین روشده صورت تاپه‌دی.»
ایتیش کیره‌ک که، مذکور برنامه ولایت‌لردن کوپینچه‌سی جمله‌دن پنجشیر، کابل، هرات و قندهار ده یولگه قوییلیب و کوز کسل‌لیکلری بولگن کسل‌لردن یوزلرچه‌سی، اونینگ آرقه‌لی دوالنگن.
