کابل شهری کارته پروان منطقه‌سیده هندولر و سیک‌لر عبادتخانه‌سی اوستیگه هجوم اویوشتیریلیشیدن بیر کوندن کیین، مذکور آزچیلیک مذهبی قوم‌لرنی تشویشی گه سبب بولیب و اولردن قطاری مملکت‌نی ترک ایتیشنی قصد قیلگنلر.
حاضرگی کونده افغانستان بویلب هندولر و سیک‌لر سانی ۱۷۰ ته گه ایتیشه‌دی که اولر مملکت ده آمان قالگن سیک‌لر دیر. افغانستان بویلب هندولر و سیک‌لر نینگ نماینده‌سی و سوزلاوچیسی چرن سنگ خالصه نینگ سلام‌وطندار گه ایتیشیچه، افغانستان ده‌گی وضعیت باعث مملکت نی ترک ایتیش گه مجبور بولیشگن. خالصه گه کوره، اولر نینگ حاضر آبایی وطن‌لریده تیریکچیلیک اوچون جای و عبادت اوچون مکان‌لری یوق.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اولرنی انتقال بیریش اوچون تیزلیک بیلن ویزه بیریلیشی کیره‌ک. افغانستان گه قالیش اولرگه باشقه اونمی یوق. برچه عبادتخانه‌لریمیز پارتلش و خودکش هجوم‌لر طفیلی بوزیلدی، بیز گه عبادت اوچون جای یوق، هندو کویدیریش، تیریکچیلیک اوچون جاییمیز یوق. شونی اوچون افغانستان ده نیمه قیله‌یدیک.»
۲۰۱۸_ ییل دن بویان افغانستان ده هندولر و سیک‌لر عبادتخانه‌سیگه اوچینچی مرته دیر که هجوم بوله‌دی. باشقه ایکی مورد ده، ننگرهار و کابل نینگ شور بازار منطقه‌سیده خودکش هجومچیلر، مذکور آزچیلیک قوم‌نی نشانگه آلنگندی.
افغانستان بویلب هندولر و سیک‌لر شوراسی اورین باسری منجیت سینگ لامبه گه کوره، ننگرهار هجومی ده آته‌سینی قولدن بیردی و حاضر ایسه قرینداش‌لرینی قولدن بیرگن.
کابل شهری عبادتخانه‌لر باشلیغی گورنام سینگ نینگ سلام‌وطندار گه ایتیشیچه، اوتگن کونگی هجوم ده عبادتخانه‌لری بوتونلی بوزیلگن. او اسلامی امارت دن، تیزلیک بیلن اولرنی عبادتخانه‌لرینی قوریشنی طلب قیله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوتگن کونی عبادتخانه ایچیده ۲۲ کیشی بار ایکن که هجوم چاغیده قاچیشگه اولگورگنلر، بیراق بیرقطارلری پارتلش واقعه دن قاچیش کیزیده یره‌لنگنلر. اونگه کوره، یره‌لنگنلر نینگ وضعیتی آغیر دیر.
کابل شهری ده هندولر و سیک‌لر عبادتخانه‌سیگه اویوشتیریلگن هجوم دن کیین، هندوستان افغانستان ده‌گی ۱۰۰ دن آرتیق هندو و سیک‌لر گه ویزه صادر ایتیلیشنی اعلام قیلدی.